헬라어 문장 검색 - ΗεροδόΤηεΗιστ́4́172́

(헤로도토스, The Histories, book 4, chapter 172)

Αὐσχισέων δὲ τούτων τὸ πρὸσ ἑσπέρησ ἔχονται Νασαμῶνεσ, ἔθνοσ ἐὸν πολλόν, οἳ τὸ θέροσ καταλείποντεσ ἐπὶ τῇ θαλάσσῃ τὰ πρόβατα ἀναβαίνουσι ἐσ Αὔγιλα χῶρον ὀπωριεῦντεσ τοὺσ φοίνικασ. οἳ δὲ πολλοὶ καὶ ἀμφιλαφέεσ πεφύκασι, πάντεσ ἐόντεσ καρποφόροι. τοὺσ δὲ ἀττελέβουσ ἐπεὰν θηρεύσωσι, αὐήναντεσ πρὸσ τὸν ἥλιον καταλέουσι καὶ ἔπειτα ἐπὶ γάλα ἐπιπάσσοντεσ πίνουσι. γυναῖκασ δὲ νομίζοντεσ πολλὰσ ἔχειν ἕκαστοσ ἐπίκοινον αὐτέων τὴν μῖξιν ποιεῦνται τρόπῳ παραπλησίῳ τῷ καὶ Μασσαγέται·

ἐπεὰν σκίπωνα προστήσωνται, μίσγονται. πρῶτον δὲ γαμέοντοσ Νασαμῶνοσ ἀνδρὸσ νόμοσ ἐστὶ τὴν νύμφην νυκτὶ τῇ πρώτῃ διὰ πάντων διεξελθεῖν τῶν δαιτυμόνων μισγομένην· τῶν δὲ ὡσ ἕκαστοσ οἱ μιχθῇ, διδοῖ δῶρον τὸ ἂν ἔχῃ φερόμενοσ ἐξ οἴκου. ὁρκίοισι δὲ καὶ μαντικῇ χρέωνται τοιῇδε·

ὀμνύουσι μὲν τοὺσ παρὰ σφίσι ἄνδρασ δικαιοτάτουσ καὶ ἀρίστουσ λεγομένουσ γενέσθαι, τούτουσ, τῶν τύμβων ἁπτόμενοι· μαντεύονται δὲ ἐπὶ τῶν προγόνων φοιτέοντεσ τὰ σήματα, καὶ κατευξάμενοι ἐπικατακοιμῶνται· τὸ δ’ ἂν ἴδη ἐν τῇ, ὄψι ἐνύπνιον, τούτῳ χρᾶται. πίστισι δὲ τοιῇσιδε χρέωνται·

ἐκ τῆσ χειρὸσ διδοῖ πιεῖν καὶ αὐτὸσ ἐκ τῆσ τοῦ ἑτέρου πίνει. ἢν δὲ μὴ ἔχωσι ὑγρὸν μηδέν, οἳ δὲ τῆσ χαμᾶθεν σποδοῦ λαβόντεσ λείχουσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 172

(헤로도토스, The Histories, book 4, chapter 172)

상위

목록

SEARCH

MENU NAVIGATION