Herodotus, The Histories, book 4, chapter 203

(헤로도토스, The Histories, book 4, chapter 203)

τοὺσ ὦν δὴ λοιποὺσ τῶν Βαρκαίων οἱ Πέρσαι ἀνδραποδισάμενοι ἀπήισαν ὀπίσω· καὶ ἐπείτε ἐπὶ τῇ Κυρηναίων πόλι ἐπέστησαν, οἱ Κυρηναῖοι λόγιόν τι ἀποσιεύμενοι διεξῆκαν αὐτοὺσ διὰ τοῦ ἄστεοσ. διεξιούσησ δὲ τῆσ στρατιῆσ Βάδρησ μὲν ὁ τοῦ ναυτικοῦ στρατοῦ στρατηγὸσ ἐκέλευε αἱρέειν τὴν πόλιν, Ἄμασισ δὲ ὁ τοῦ πεζοῦ οὐκ ἐά·

ἐπὶ Βάρκην γὰρ ἀποσταλῆναι μούνην Ἑλληνίδα πόλιν· ἐσ ὃ διεξελθοῦσι καὶ ἱζομένοισι ἐπὶ Διὸσ Λυκαίου ὄχθον μετεμέλησέ σφι οὐ σχοῦσι τὴν Κυρήνην. καὶ ἐπειρῶντο τὸ δεύτερον παριέναι ἐσ αὐτήν· οἱ δὲ Κυρηναῖοι οὐ περιώρων. τοῖσι δὲ Πέρσῃσι οὐδενὸσ μαχομένου φόβοσ ἐνέπεσε, ἀποδραμόντεσ τε ὅσον τε ἑξήκοντα στάδια ἵζοντο·

ἱδρυθέντι δὲ τῷ στρατοπέδῳ ταύτῃ ἦλθε παρὰ Ἀρυνάνδεω ἄγγελοσ ἀποκαλέων αὐτούσ. οἱ δὲ Πέρσαι Κυρηναίων δεηθέντεσ ἐπόδιά σφι δοῦναι ἔτυχον, λαβόντεσ δὲ ταῦτα ἀπαλλάσσοντο ἐσ τὴν Αἴγυπτον. παραλαβόντεσ δὲ τὸ ἐνθεῦτεν αὐτοὺσ Λίβυεσ τῆσ τε ἐσθῆτοσ εἵνεκα καὶ τῆσ σκευῆσ τοὺσ ὑπολειπομένουσ αὐτῶν καὶ ἐπελκομένουσ ἐφόνευον, ἐσ ὃ ἐσ τὴν Αἴγυπτον ἀπίκοντο.

상위

The Histories

목록

일치하는 문장이 없습니다.

SEARCH

MENU NAVIGATION