Herodotus, The Histories, book 4, chapter 146

(헤로도토스, The Histories, book 4, chapter 146)

χρόνου δὲ οὐ πολλοῦ διεξελθόντοσ αὐτίκα οἱ Μινύαι ἐξύβρισαν, τῆσ τε βασιληίησ μεταιτέοντεσ καὶ ἄλλα ποιέοντεσ οὐκ ὅσια. τοῖσι ὦν Λακεδαιμονίοισι ἔδοξε αὐτοὺσ ἀποκτεῖναι, συλλαβόντεσ δὲ σφέασ κατέβαλον ἐσ ἑρκτήν.

κτείνουσι δὲ τοὺσ ἂν κτείνωσι Λακεδαιμόνιοι νυκτόσ, μετ’ ἡμέρην δὲ οὐδένα. ἐπεὶ ὦν ἔμελλον σφέασ καταχρήσασθαι, παραιτήσαντο αἱ γυναῖκεσ τῶν Μινυέων, ἐοῦσαι ἀσταί τε καὶ τῶν πρώτων Σπαρτιητέων θυγατέρεσ, ἐσελθεῖν τε ἐσ τὴν ἑρκτὴν καὶ ἐσ λόγουσ ἐλθεῖν ἑκάστη τῷ ἑωυτῆσ ἀνδρί.

οἳ δὲ σφέασ παρῆκαν, οὐδένα δόλον δοκέοντεσ ἐξ αὐτέων ἔσεσθαι. αἳ δὲ ἐπείτε ἐσῆλθον, ποιέουσι τοιάδε·

πᾶσαν τὴν εἶχον ἐσθῆτα παραδοῦσαι τοῖσι ἀνδράσι αὐταὶ τὴν τῶν ἀνδρῶν ἔλαβον, οἱ δὲ Μινύαι ἐνδύντεσ τὴν γυναικηίην ἐσθῆτα ἅτε γυναῖκεσ ἐξήισαν ἔξω, ἐκφυγόντεσ δὲ τρόπῳ τοιούτῳ ἵζοντο αὖτισ ἐσ τὸ Τηύ̈γετον.

상위

The Histories

목록

일치하는 문장이 없습니다.

SEARCH

MENU NAVIGATION