Herodotus, The Histories, book 4, chapter 53

(헤로도토스, The Histories, book 4, chapter 53)

τέταρτοσ δὲ Βορυσθένησ ποταμόσ, ὃσ ἐστί τε μέγιστοσ μετὰ Ἴστρον τούτων καὶ πολυαρκέστατοσ κατὰ γνώμασ τὰσ ἡμετέρασ οὔτι μοῦνον τῶν Σκυθικῶν ποταμῶν ἀλλὰ καὶ τῶν ἄλλων ἁπάντων, πλὴν Νείλου τοῦ Αἰγυπτίου· τούτῳ γὰρ οὐκ οἱᾶ́ τε ἐστὶ συμβαλεῖν ἄλλον ποταμόν· τῶν δὲ λοιπῶν Βορυσθένησ ἐστὶ πολυαρκέστατοσ, ὃσ νομάσ τε καλλίστασ καὶ εὐκομιδεστάτασ κτήνεσι παρέχεται ἰχθύασ τε ἀρίστουσ διακριδὸν καὶ πλείστουσ, πίνεσθαι τε ἥδιστοσ ἐστί, ῥέει τε καθαρὸσ παρὰ θολεροῖσι, σπόροσ τε παρ’ αὐτὸν ἄριστοσ γίνεται, ποίη τε, τῇ οὐ σπείρεται ἡ χώρη, βαθυτάτη·

ἅλεσ τε ἐπὶ τῷ στόματι αὐτοῦ αὐτόματοι πήγνυνται ἄπλετοι·

κήτεά τε μεγάλα ἀνάκανθα, τὰ ἀντακαίουσ καλέουσι, παρέχεται ἐσ ταρίχευσιν, ἄλλα τε πολλὰ θωμάσαι ἄξια. μέχρι μέν νυν Γερρέων χώρου, ἐσ τὸν τεσσεράκοντα ἡμερέων πλόοσ ἐστί, γινώσκεται ῥέων ἀπὸ βορέω ἀνέμου·

τὸ δὲ κατύπερθε δι’ ὧν ῥέει ἀνθρώπων οὐδεὶσ ἔχει φράσαι· φαίνεται δὲ ῥέων δι’ ἐρήμου ἐσ τῶν γεωργῶν Σκυθέων τὴν χώρην· οὗτοι γὰρ οἱ Σκύθαι παρ’ αὐτὸν ἐπὶ δέκα ἡμερέων πλόον νέμονται. μούνου δὲ τούτου τοῦ ποταμοῦ καὶ Νείλου οὐκ ἔχω φράσαι τὰσ πηγάσ, δοκέω δέ, οὐδὲ οὐδεὶσ Ἑλλήνων.

ἀγχοῦ τε δὴ θαλάσσησ ὁ Βορυσθένησ ῥέων γίνεται καὶ οἱ συμμίσγεται ὁ Ὕπανισ ἐσ τὠυτὸ ἕλοσ ἐκδιδούσ. τὸ δὲ μεταξὺ τῶν ποταμῶν τούτων, ἐὸν ἔμβολον τῆσ χώρησ, Ἱππόλεω ἄκρη καλέεται, ἐν δὲ αὐτῷ, ἱρὸν Δήμητροσ ἐνίδρυται·

πέρην δὲ τοῦ ἱροῦ ἐπὶ τῷ Ὑπάνι Βορυσθενεῖ̈ται κατοίκηνται.

상위

The Histories

목록

일치하는 문장이 없습니다.

SEARCH

MENU NAVIGATION