Herodotus, The Histories, book 4, chapter 65

(헤로도토스, The Histories, book 4, chapter 65)

ταῦτα μὲν δὴ οὕτω σφι νενόμισται, αὐτὰσ δὲ τὰσ κεφαλάσ, οὔτι πάντων ἀλλὰ τῶν ἐχθίστων, ποιεῦσι τάδε· ἀποπρίσασ ἕκαστοσ πᾶν τὸ ἔνερθε τῶν ὀφρύων ἐκκαθαίρει· καὶ ἢν μὲν ᾖ πένησ, ὁ δὲ ἔξωθεν ὠμοβοέην μούνην περιτείνασ οὕτω χρᾶται, ἢν δὲ ᾖ πλούσιοσ, τὴν μὲν ὠμοβοέην περιτείνει, ἔσωθεν δὲ καταχρυσώσασ οὕτω χρᾶται ποτηρίῳ. ποιεῦσι δὲ τοῦτο καὶ ἐκ τῶν οἰκηίων ἤν σφι διάφοροι γένωνται καὶ ἢν ἐπικρατήσῃ αὐτοῦ παρὰ τῷ βασιλέι, ξείνων δέ οἱ ἐλθόντων τῶν ἂν λόγον ποιέηται, τὰσ κεφαλὰσ ταύτασ παραφέρει καὶ ἐπιλέγει ὡσ οἱ ἐόντεσ οἰκήιοι πόλεμον προσεθήκαντο καί σφεων αὐτὸσ ἐπεκράτησε, ταύτην ἀνδραγαθίην λέγοντεσ.

상위

The Histories

목록

일치하는 문장이 없습니다.

SEARCH

MENU NAVIGATION