Herodotus, The Histories, book 4, chapter 120

(헤로도토스, The Histories, book 4, chapter 120)

ταῦτα ὡσ ἀπενειχθέντα ἐπύθοντο οἱ Σκύθαι, ἐβουλεύοντο ἰθυμαχίην μὲν μηδεμίαν ποιέεσθαι ἐκ τοῦ ἐμφανέοσ, ὅτε δὴ σφι οὗτοι γε σύμμαχοι οὐ προσεγίνοντο, ὑπεξιόντεσ δὲ καὶ ὑπεξελαύνοντεσ τὰ φρέατα τὰ παρεξίοιεν αὐτοὶ καὶ τὰσ κρήνασ συγχοῦν, τὴν ποίην τε ἐκ τῆσ γῆσ ἐκτρίβειν, διχοῦ σφέασ διελόντεσ. καὶ πρὸσ μὲν τὴν μίαν τῶν μοιρέων, τῆσ ἐβασίλευε Σκώπασισ, προσχωρέειν Σαυρομάτασ·

τούτουσ μὲν δὴ ὑπάγειν, ἢν ἐπὶ τοῦτο τράπηται ὁ Πέρσησ ἰθὺ Τανάιδοσ ποταμοῦ παρὰ τὴν Μαιῆτιν λίμνην ὑποφεύγοντασ, ἀπελαύνοντοσ τε τοῦ Πέρσεω ἐπιόντασ διώκειν. αὕτη μέν σφι μία ἦν μοῖρα τῆσ βασιληίησ, τεταγμένη ταύτην τὴν ὁδὸν ἥ περ εἴρηται· τὰσ δὲ δύο τῶν βασιληίων, τήν τε μεγάλην τῆσ ἦρχε Ἰδάνθυρσοσ καὶ τὴν τρίτην τῆσ ἐβασίλευε Τάξακισ, συνελθούσασ ἐσ τὠυτὸ καὶ Γελωνῶν τε καὶ Βουδίνων προσγενομένων, ἡμέρησ καὶ τούτουσ ὁδῶ προέχοντασ τῶν Περσέων ὑπεξάγειν, ὑπιόντασ τε καὶ ποιεῦντασ τὰ βεβουλευμένα·

πρῶτα μέν νυν ὑπάγειν σφέασ ἰθὺ τῶν χωρέων τῶν ἀπειπαμένων τὴν σφετέρην συμμαχίην, ἵνα καὶ τούτουσ ἐκπολεμώσωσι·

εἰ γὰρ μὴ ἑκόντεσ γε ὑπέδυσαν τὸν πόλεμον τὸν πρὸσ Πέρσασ, ἀλλ’ ἀέκοντασ ἐκπολεμώσειν· μετὰ δὲ τοῦτο ὑποστρέφειν ἐσ τὴν σφετέρην καὶ ἐπιχειρέειν, ἢν δὴ βουλευομένοισι δοκέῃ.

상위

The Histories

목록

일치하는 문장이 없습니다.

SEARCH

MENU NAVIGATION