헬라어 문장 검색 - ΗεροδόΤηεΗιστ́4́033́

(헤로도토스, The Histories, book 4, chapter 33)

πολλῷ δέ τι πλεῖστα περὶ αὐτῶν Δήλιοι λέγουσι, φάμενοι ἱρὰ ἐνδεδεμένα ἐν καλάμῃ πυρῶν ἐξ Ὑπερβορέων φερόμενα ἀπικνέεσθαι ἐσ Σκύθασ, ἀπὸ δὲ Σκυθέων ἤδη δεκομένουσ αἰεὶ τοὺσ πλησιοχώρουσ ἑκάστουσ κομίζειν αὐτὰ τὸ πρὸσ ἑσπέρησ ἑκαστάτω ἐπὶ τὸν Ἀδρίην, ἐνθεῦτεν δὲ πρὸσ μεσαμβρίην προπεμπόμενα πρώτουσ Δωδωναίουσ Ἑλλήνων δέκεσθαι, ἀπὸ δὲ τούτων καταβαίνειν ἐπὶ τὸν Μηλιέα κόλπον καὶ διαπορεύεσθαι ἐσ Εὔβοιαν, πόλιν τε ἐσ πόλιν πέμπειν μέχρι Καρύστου, τὸ δ’ ἀπὸ ταύτησ ἐκλιπεῖν Ἄνδρον· Καρυστίουσ γὰρ εἶναι τοὺσ κομίζοντασ ἐσ Τῆνον, Τηνίουσ δὲ ἐσ Δῆλον.

ἀπικνέεσθαι μέν νυν οὕτω ταῦτα τὰ ἱρὰ λέγουσι ἐσ Δῆλον·

πρῶτον δὲ τοὺσ Ὑπερβορέουσ πέμψαι φερούσασ τὰ ἱρὰ δὺο κόρασ, τὰσ ὀνομάζουσι Δήλιοι εἶναι Ὑπερόχην τε καὶ Λαοδίκην· ἅμα δὲ αὐτῇσι ἀσφαλείησ εἵνεκεν πέμψαι τοὺσ Ὑπερβορέουσ τῶν ἀστῶν ἄνδρασ πέντε πομπούσ, τούτουσ οἳ νῦν Περφερέεσ καλέονται τιμὰσ μεγάλασ ἐν Δήλῳ ἔχοντεσ. ἐπεὶ δὲ τοῖσι Ὑπερβορέοισι τοὺσ ἀποπεμφθέντασ ὀπίσω οὐκ ἀπονοστέειν, δεινὰ ποιευμένουσ εἰ σφέασ αἰεὶ καταλάμψεται ἀποστέλλοντασ μὴ ἀποδέκεσθαι, οὕτω δὴ φέροντασ ἐσ τοὺσ οὔρουσ τὰ ἱρὰ ἐνδεδεμένα ἐν πυρῶν καλάμῃ τοὺσ πλησιοχώρουσ ἐπισκήπτειν κελεύοντασ προπέμπειν σφέα ἀπὸ ἑωυτῶν ἐσ ἄλλο ἔθνοσ.

καὶ ταῦτα μὲν οὕτω προπεμπόμενα ἀπικνέεσθαι λέγουσι ἐσ Δῆλον.

οἶδα δὲ αὐτὸσ τούτοισι τοῖσι ἱροῖσι τόδε ποιεύμενον προσφερέσ, τὰσ Θρηικίασ καὶ τὰσ Παιονίδασ γυναῖκασ, ἐπεὰν θύωσι τῇ Ἀρτέμιδι τῇ βασιλείῃ, οὐκ ἄνευ πυρῶν καλάμησ ἐχούσασ τὰ ἱρά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 33

(헤로도토스, The Histories, book 4, chapter 33)

상위

목록

SEARCH

MENU NAVIGATION