Herodotus, The Histories, book 4, chapter 62

(헤로도토스, The Histories, book 4, chapter 62)

τοῖσι μὲν δὴ ἄλλοισι τῶν θεῶν οὕτω θύουσι καὶ ταῦτα τῶν κτηνέων, τῷ δὲ Ἄρεϊ ὧδε. κατὰ νομοὺσ ἑκάστουσ τῶν ἀρχέων ἐσίδρυται σφι Ἄρεοσ ἱρὸν τοιόνδε φρυγάνων φάκελοι συννενέαται ὅσον τ’ ἐπὶ σταδίουσ τρεῖσ μῆκοσ καὶ εὖροσ, ὕψοσ δὲ ἔλασσον· ἄνω δὲ τούτου τετράγωνον ἄπεδον πεποίηται, καὶ τὰ μὲν τρία τῶν κώλων ἐστὶ ἀπότομα, κατὰ δὲ τὸ ἓν ἐπιβατόν. ἔτεοσ δὲ ἑκάστου ἁμάξασ πεντήκοντα καὶ ἑκατὸν ἐπινέουσι φρυγάνων·

ὑπονοστέει γὰρ δὴ αἰεὶ ὑπὸ τῶν χειμώνων. ἐπὶ τούτου δὴ τοῦ σηκοῦ ἀκινάκησ σιδήρεοσ ἵδρυται ἀρχαῖοσ ἑκάστοισι, καὶ τοῦτ’ ἐστὶ τοῦ Ἄρεοσ τὸ ἄγαλμα. τούτῳ δὲ τῷ ἀκινάκῃ θυσίασ ἐπετείουσ προσάγουσι προβάτων καὶ ἵππων, καὶ δὴ καὶ τοῖσιδ’ ἔτι πλέω θύουσι ἢ τοῖσι ἄλλοισι θεοῖσι· ὅσουσ ἂν τῶν πολεμίων ζωγρήσωσι, ἀπὸ τῶν ἑκατὸν ἀνδρῶν ἄνδρα θύουσι τρόπῳ οὐ τῷ αὐτῷ καὶ τὰ πρόβατα, ἀλλ’ ἑτεροίῳ.

ἐπεὰν γὰρ οἶνον ἐπισπείσωσι κατὰ τῶν κεφαλέων, ἀποσφάζουσι τοὺσ ἀνθρώπουσ ἐσ ἄγγοσ καὶ ἔπειτα ἀνενείκαντεσ ἄνω ἐπὶ τὸν ὄγκον τῶν φρυγάνων καταχέουσι τὸ αἷμα τοῦ ἀκινάκεω. ἄνω μὲν δὴ φορέουσι τοῦτο, κάτω δὲ παρὰ τὸ ἱρὸν ποιεῦσι τάδε·

τῶν ἀποσφαγέντων ἀνδρῶν τοὺσ δεξιοὺσ ὤμουσ πάντασ ἀποταμόντεσ σὺν τῇσι χερσὶ ἐσ τὸν ἠέρα ἱεῖσι, καὶ ἔπειτα καὶ τὰ ἄλλα ἀπέρξαντεσ ἱρήια ἀπαλλάσσονται. χεὶρ δὲ τῇ ἂν πέσῃ κέεται, καὶ χωρὶσ ὁ νεκρόσ.

상위

The Histories

목록

일치하는 문장이 없습니다.

SEARCH

MENU NAVIGATION