헬라어 문장 검색 - ΗεροδόΤηεΗιστ́4́028́

(헤로도토스, The Histories, book 4, chapter 28)

δυσχείμεροσ δὲ αὕτη ἡ καταλεχθεῖσα πᾶσα χώρη οὕτω δή τι ἐστί, ἔνθα τοὺσ μὲν ὀκτὼ τῶν μηνῶν ἀφόρητοσ οἱο͂σ γίνεται κρυμόσ, ἐν τοῖσι ὕδωρ ἐκχέασ πηλὸν οὐ ποιήσεισ, πῦρ δὲ ἀνακαίων ποιήσεισ πηλόν· ἡ δὲ θάλασσα πήγνυται καὶ ὁ Βόσποροσ πᾶσ ὁ Κιμμέριοσ, καὶ ἐπὶ τοῦ κρυστάλλου οἱ ἐντὸσ τάφρου Σκύθαι κατοικημένοι στρατεύονται καὶ τὰσ ἁμάξασ ἐπελαύνουσι πέρην ἐσ τοὺσ Σίνδουσ. οὕτω μὲν δὴ τοὺσ ὀκτὼ μῆνασ διατελέει χειμὼν ἐών, τοὺσ δ’ ἐπιλοίπουσ τέσσερασ ψύχεα αὐτόθι ἐστί.

κεχώρισται δὲ οὗτοσ ὁ χειμὼν τοὺσ τρόπουσ πᾶσι τοῖσι ἐν ἄλλοισι χωρίοισι γινομένοισι χειμῶσι, ἐν τῷ τὴν μὲν ὡραίην οὐκ ὑεί λόγου ἄξιον οὐδέν, τὸ δὲ θέροσ ὑών οὐκ ἀνιεῖ· βρονταί τε ἦμοσ τῇ ἄλλῃ γίνονται, τηνικαῦτα μὲν οὐ γίνονται, θέρεοσ δὲ ἀμφιλαφέεσ·

ἢν δὲ χειμῶνοσ βροντὴ γένηται, ὡσ τέρασ νενόμισται θωμάζεσθαι. ὣσ δὲ καὶ ἢν σεισμὸσ γένηται ἤν τε θέρεοσ ἤν τε χειμῶνοσ ἐν τῇ Σκυθικῇ, τέρασ νενόμισται. ἵπποι δὲ ἀνεχόμενοι φέρουσι τὸν χειμῶνα τοῦτον, ἡμίονοι δὲ οὐδὲ ὄνοι οὐκ ἀνέχονται ἀρχήν·

τῇ δὲ ἄλλῃ ἵπποι μὲν ἐν κρυμῷ ἑστεῶτεσ ἀποσφακελίζουσι, ὄνοι δὲ καὶ ἡμίονοι ἀνέχονται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 28

(헤로도토스, The Histories, book 4, chapter 28)

상위

목록

SEARCH

MENU NAVIGATION