Herodotus, The Histories, book 4, chapter 185

(헤로도토스, The Histories, book 4, chapter 185)

μέχρι μὲν δὴ τῶν Ἀτλάντων τούτων ἔχω τὰ οὐνόματα τῶν ἐν τῇ ὀφρύῃ κατοικημένων καταλέξαι, τὸ δ’ ἀπὸ τούτων οὐκέτι. διήκει δ’ ὦν ἡ ὀφρύη μέχρι Ἡρακλέων στηλέων καὶ τὸ ἔξω τουτέων. ἔστι δὲ ἁλόσ τε μέταλλον ἐν αὐτῇ διὰ δέκα ἡμερέων ὁδοῦ καὶ ἄνθρωποι οἰκέοντεσ.

τὰ δὲ οἰκία τούτοισι πᾶσι ἐκ τῶν ἁλίνων χόνδρων οἰκοδομέαται. ταῦτα γὰρ ἤδη τῆσ Λιβύησ ἄνομβρα ἐστί· οὐ γὰρ ἂν ἠδυνέατο μένειν οἱ τοῖχοι ἐόντεσ ἅλινοι, εἰ ὑε͂. ὁ δὲ ἃλσ αὐτόθι καὶ λευκὸσ καὶ πορφύρεοσ τὸ εἶδοσ ὀρύσσεται.

ὑπὲρ δὲ τῆσ ὀφρύησ τὸ πρὸσ νότου καὶ ἐσ μεσόγαιαν τῆσ Λιβύησ ἔρημοσ καὶ ἄνυδροσ καὶ ἄθηροσ καὶ ἄνομβροσ καὶ ἄξυλοσ ἐστὶ ἡ χώρη, καὶ ἰκμάδοσ ἐστὶ ἐν αὐτῇ οὐδέν.

상위

The Histories

목록

일치하는 문장이 없습니다.

SEARCH

MENU NAVIGATION