헬라어 문장 검색 - ΗεροδόΤηεΗιστ́4́035́

(헤로도토스, The Histories, book 4, chapter 35)

αὗται μὲν δὴ ταύτην τιμὴν ἔχουσι πρὸσ τῶν Δήλου οἰκητόρων. φασὶ δὲ οἱ αὐτοὶ οὗτοι καὶ τὴν Ἄργην τε καὶ τὴν Ὦπιν ἐούσασ παρθένουσ ἐξ Ὑπερβορέων κατὰ τοὺσ αὐτοὺσ τούτουσ ἀνθρώπουσ πορευομένασ ἀπικέσθαι ἐσ Δῆλον ἔτι πρότερον Ὑπερόχησ τε καὶ Λαοδίκησ. ταύτασ μέν νυν τῇ Εἰλειθυίῃ ἀποφερούσασ ἀντὶ τοῦ ὠκυτόκου τὸν ἐτάξαντο φόρον ἀπικέσθαι, τὴν δὲ Ἄργην τε καὶ τὴν Ὦπιν ἅμα αὐτοῖσι θεοῖσι ἀπικέσθαι λέγουσι καὶ σφι τιμὰσ ἄλλασ δεδόσθαι πρὸσ σφέων·

καὶ γὰρ ἀγείρειν σφι τὰσ γυναῖκασ ἐπονομαζούσασ τὰ οὐνόματα ἐν τῷ ὕμνῳ τόν σφι Ὠλὴν ἀνὴρ Λύκιοσ ἐποίησε, παρὰ δὲ σφέων μαθόντασ νησιώτασ τε καὶ Ιὤνασ ὑμνέειν Ὦπίν τε καὶ Ἄργην ὀνομάζοντάσ τε καὶ ἀγείροντασ οὗτοσ δὲ ὁ Ὠλὴν καὶ τοὺσ ἄλλουσ τοὺσ παλαιοὺσ ὕμνουσ ἐποίησε ἐκ Λυκίησ ἐλθὼν τοὺσ ἀειδομένουσ ἐν Δήλῳ, καὶ τῶν μηρίων καταγιζομένων ἐπὶ τῷ βωμῷ τὴν σποδὸν ταύτην ἐπὶ τὴν θήκην τῆσ Ὤπιόσ τε καὶ Ἄργησ ἀναισιμοῦσθαι ἐπιβαλλομένην.

ἡ δὲ θήκη αὐτέων ἐστὶ ὄπισθε τοῦ Ἀρτεμισίου, πρὸσ ἠῶ τετραμμένη, ἀγχοτάτω τοῦ Κηίων ἱστιητορίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 35

(헤로도토스, The Histories, book 4, chapter 35)

상위

목록

SEARCH

MENU NAVIGATION