헬라어 문장 검색 - ΗεροδόΤηεΗιστ́4́050́

(헤로도토스, The Histories, book 4, chapter 50)

τούτων ὦν τῶν καταλεχθέντων καὶ ἄλλων πολλῶν συμβαλλομένων τὸ σφέτερον ὕδωρ γίνεται ὁ Ἴστροσ ποταμῶν μέγιστοσ, ἐπεὶ ὕδωρ γε ἓν πρὸσ ἓν συμβάλλειν ὁ Νεῖλοσ πλήθει ἀποκρατέει. ἴσοσ δὲ γὰρ δὴ τοῦτον οὔτε ποταμὸσ οὔτε κρήνη οὐδεμία ἐσδιδοῦσα ἐσ πλῆθόσ οἱ συμβάλλεται. ἴσοσ δὲ αἰεὶ ῥέει ἐν τε θέρει καὶ χειμῶνι ὁ Ἴστροσ κατὰ τοιόνδε τι, ὡσ ἐμοὶ δοκέει·

τοῦ μὲν χειμῶνοσ ἐστὶ ὅσοσ περ ἐστι, ὀλίγῳ τε μέζων τῆσ ἑωυτοῦ φύσιοσ γίνεται· ὑέται γὰρ ἡ γῆ αὕτη τοῦ χειμῶνοσ πάμπαν ὀλίγῳ, νιφετῷ δὲ πάντα χρᾶται· τοῦ δὲ θέρεοσ ἡ χιὼν ἡ ἐν τῷ χειμῶνι πεσοῦσα, ἐοῦσα ἀμφιλαφήσ, τηκομένη πάντοθεν ἐσδιδοῖ ἐσ τὸν Ἴστρον.

αὕτη τε δὴ ἡ χιὼν ἐσδιδοῦσα ἐσ αὐτὸν συμπληθύει καὶ ὄμβροι πολλοί τε καὶ λάβροι σὺν αὐτῇ· ὑεί γὰρ δὴ τὸ θέροσ. ὅσω δὲ πλέον ἐπ’ ἑωυτὸν ὕδωρ ὁ ἥλιοσ ἐπέλκεται ἐν τῶ θέρει ἢ ἐν τῷ χειμῶνι, τοσούτῳ τὰ συμμισγόμενα τῷ Ἴστρῳ πολλαπλήσια ἐστὶ τοῦ θέρεοσ ἤ περ τοῦ χειμῶνοσ·

ἀντιτιθέμενα δὲ ταῦτα ἀντισήκωσισ γίνεται, ὥστε ἴσον μιν αἰεὶ φαίνεσθαι ἐόντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 50

(헤로도토스, The Histories, book 4, chapter 50)

상위

목록

SEARCH

MENU NAVIGATION