Herodotus, The Histories, book 4, chapter 87

(헤로도토스, The Histories, book 4, chapter 87)

ὁ δὲ Δαρεῖοσ ὡσ ἐθεήσατο τὸν Πόντον, ἔπλεε ὀπίσω ἐπὶ τὴν γέφυραν, τῆσ ἀρχιτέκτων ἐγένετο Μανδροκλέησ Σάμιοσ· θεησάμενοσ δὲ καὶ τὸν Βόσπορον στήλασ ἔστησε δύο ἐπ’ αὐτοῦ λίθου λευκοῦ, ἐνταμὼν γράμματα ἐσ μὲν τὴν Ἀσσύρια ἐσ δὲ τὴν Ἑλληνικά, ἔθνεα πάντα ὅσα περ ἦγε· ἦγε δὲ πάντα τῶν ἦρχε. τούτων μυριάδεσ ἐξηριθμήθησαν, χωρὶσ τοῦ ναυτικοῦ, ἑβδομήκοντα σὺν ἱππεῦσι, νέεσ δὲ ἑξακόσιαι συνελέχθησαν. τῇσι μέν νυν στήλῃσι ταύτῃσι Βυζάντιοι κομίσαντεσ ἐσ τὴν πόλιν ὕστερον τούτων ἐχρήσαντο πρὸσ τὸν βωμὸν τῆσ Ὀρθωσίησ Ἀρτέμιδοσ, χωρὶσ ἑνὸσ λίθου·

οὗτοσ δὲ κατελείφθη παρὰ τοῦ Διονύσου τὸν νηὸν ἐν Βυζαντίῳ, γραμμάτων Ἀσσυρίων πλέοσ. τοῦ δὲ Βοσπόρου ὁ χῶροσ τὸν ἔζευξε βασιλεὺσ Δαρεῖοσ, ὡσ ἐμοὶ δοκέει συμβαλλομένῳ, μέσον ἐστὶ Βυζαντίου τε καὶ τοῦ ἐπὶ στόματι ἱροῦ.

상위

The Histories

목록

일치하는 문장이 없습니다.

SEARCH

MENU NAVIGATION