헬라어 문장 검색 - ΗεροδόΤηεΗιστ́4́085́

(헤로도토스, The Histories, book 4, chapter 85)

καὶ οὗτοι μὲν ἀποσφαγέντεσ αὐτοῦ ταύτῃ ἐλείποντο· Δαρεῖοσ δὲ ἐπείτε πορευόμενοσ ἐκ Σούσων ἀπίκετο τῆσ Καλχηδονίησ ἐπὶ τὸν Βόσπορον ἵνα ἔζευκτο ἡ γέφυρα, ἐνθεῦτεν ἐσβὰσ ἐσ νέα ἔπλεε ἐπὶ τὰσ Κυανέασ καλευμένασ, τὰσ πρότερον πλαγκτὰσ Ἕλληνεσ φασὶ εἶναι, ἑζόμενοσ δὲ ἐπὶ ῥίῳ ἐθηεῖτο τὸν Πόντον ἐόντα ἀξιοθέητον. πελαγέων γὰρ ἁπάντων πέφυκε θωμασιώτατοσ·

τοῦ τὸ μὲν μῆκοσ στάδιοι εἰσὶ ἑκατὸν καὶ χίλιοι καὶ μύριοι, τὸ δὲ εὖροσ, τῇ εὐρύτατοσ αὐτὸσ ἑωυτοῦ, στάδιοι τριηκόσιοι καὶ τρισχίλιοι. τούτου τοῦ πελάγεοσ τὸ στόμα ἐστὶ εὖροσ τέσσερεσ στάδιοι·

μῆκοσ δὲ, τοῦ στόματοσ ὁ αὐχήν, τὸ δὴ Βόσποροσ κέκληται, κατ’ ὃ δὴ ἔζευκτο ἡ γέφυρα, ἐπὶ σταδίουσ εἴκοσι καὶ ἑκατόν ἐστι. τείνει δ’ ἐσ τὴν Προποντίδα ὁ Βόσποροσ· ἡ δὲ Προποντὶσ ἐοῦσα εὖροσ μὲν σταδίων πεντακοσίων, μῆκοσ δὲ τετρακοσίων καὶ χιλίων, καταδιδοῖ ἐσ τὸν Ἑλλήσποντον ἐόντα στεινότητα μὲν ἑπτὰ σταδίουσ, μῆκοσ δὲ τετρακοσίουσ.

ἐκδιδοῖ δὲ ὁ Ἑλλήσποντοσ ἐσ χάσμα πελάγεοσ τὸ δὴ Αἰγαῖον καλέεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 85

(헤로도토스, The Histories, book 4, chapter 85)

상위

목록

SEARCH

MENU NAVIGATION