헬라어 문장 검색 - ΗεροδόΤηεΗιστ́4́164́

(헤로도토스, The Histories, book 4, chapter 164)

ὁ δὲ παραλαβὼν τοὺσ ἐκ τῆσ Σάμου κατῆλθε ἐσ τὴν Κυρήνην, καὶ ἐπικρατήσασ τῶν πρηγμάτων τοῦ μαντηίου οὐκ ἐμέμνητο, ἀλλὰ δίκασ τοὺσ ἀντιστασιώτασ αἴτεε τῆσ ἑωυτοῦ φυγῆσ. τῶν δὲ οἳ μὲν τὸ παράπαν ἐκ τῆσ χώρησ ἀπαλλάσσοντο, τοὺσ δὲ τινὰσ χειρωσάμενοσ ὁ Ἀρκεσίλεωσ ἐσ Κύπρον ἀπέστειλε ἐπὶ διαφθορῇ.

τούτουσ μέν νυν Κνίδιοι ἀπενειχθέντασ πρὸσ τὴν σφετέρην ἐρρύσαντο καὶ ἐσ Θήρην ἀπέστειλαν· ἑτέρουσ δὲ τινὰσ τῶν Κυρηναίων ἐσ πύργον μέγαν Ἀγλωμάχου καταφυγόντασ ἰδιωτικὸν ὕλην περινήσασ ὁ Ἀρκεσίλεωσ ἐνέπρησε. μαθὼν δὲ ἐπ’ ἐξεργασμένοισι τὸ μαντήιον ἐὸν τοῦτο, ὅτι μιν ἡ Πυθίη οὐκ ἐά εὑρόντα ἐν τῇ καμίνῳ τοὺσ ἀμφορέασ ἐξοπτῆσαι, ἔργετο ἑκὼν τῆσ τῶν Κυρηναίων πόλιοσ, δειμαίνων τε τὸν κεχρησμένον θάνατον καὶ δοκέων ἀμφίρρυτον τὴν Κυρήνην εἶναι.

εἶχε δὲ γυναῖκα συγγενέα ἑωυτοῦ, θυγατέρα δὲ τῶν Βαρκαίων τοῦ βασιλέοσ, τῷ οὔνομα ἦν Ἀλάζειρ·

παρὰ τοῦτον ἀπικνέεται, καί μιν Βαρκαῖοί τε ἄνδρεσ καὶ τῶν ἐκ Κυρήνησ φυγάδων τινὲσ καταμαθόντεσ ἀγοράζοντα κτείνουσι, πρὸσ δὲ καὶ τὸν πενθερὸν αὐτοῦ Ἀλάζειρα. Ἀρκεσίλεωσ μέν νυν εἴτε ἑκὼν εἴτε ἀέκων ἁμαρτὼν τοῦ χρησμοῦ ἐξέπλησε μοῖραν τὴν ἑωυτοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 164

(헤로도토스, The Histories, book 4, chapter 164)

상위

목록

SEARCH

MENU NAVIGATION