Herodotus, The Histories, book 4, chapter 179

(헤로도토스, The Histories, book 4, chapter 179)

ἔστι δὲ καὶ ὅδε λόγοσ λεγόμενοσ. Ιἤσονα, ἐπείτε οἱ ἐξεργάσθη ὑπὸ τῷ Πηλίῳ ἡ Ἀργώ, ἐσθέμενον ἐσ αὐτὴν ἄλλην τε ἑκατόμβην καὶ δὴ καὶ τρίποδα χάλκεον περιπλώειν Πελοπόννησον, βουλόμενον ἐσ Δελφοὺσ ἀπικέσθαι. καί μιν, ὡσ πλέοντα γενέσθαι κατὰ Μαλέην, ὑπολαβεῖν ἄνεμον βορέην καὶ ἀποφέρειν πρὸσ τὴν Λιβύην·

πρὶν δὲ κατιδέσθαι γῆν, ἐν τοῖσι βράχεσι γενέσθαι λίμνησ τῆσ Τριτωνίδοσ. καί οἱ ἀπορέοντι τὴν ἐξαγωγὴν λόγοσ ἐστὶ φανῆναι Τρίτωνα καὶ κελεύειν τὸν Ιἤσονα ἑωυτῷ δοῦναι τὸν τρίποδα, φάμενόν σφι καὶ τὸν πόρον δέξειν καὶ ἀπήμονασ ἀποστελέειν. πειθομένου δὲ τοῦ Ιἤσονοσ, οὕτω δὴ τόν τε διέκπλοον τῶν βραχέων δεικνύναι τὸν Τρίτωνά σφι καὶ τὸν τρίποδα θεῖναι ἐν τῷ ἑωυτοῦ ἱρῷ, ἐπιθεσπίσαντά τε τῷ τρίποδι καὶ τοῖσι σὺν Ιἤσονι σημήναντα τὸν πάντα λόγον, ὡσ ἐπεὰν τὸν τρίποδα κομίσηται τῶν ἐκγόνων τισ τῶν ἐν τῇ Ἀργοῖ συμπλεόντων, τότε ἑκατὸν πόλιασ οἰκῆσαι περὶ τὴν Τριτωνίδα λίμνην Ἑλληνίδασ πᾶσαν εἶναι ἀνάγκην.

ταῦτα ἀκούσαντασ τοὺσ ἐπιχωρίουσ τῶν Λιβύων κρύψαι τὸν τρίποδα.

상위

The Histories

목록

일치하는 문장이 없습니다.

SEARCH

MENU NAVIGATION