Herodotus, The Histories, book 4, chapter 145

(헤로도토스, The Histories, book 4, chapter 145)

οὗτοσ μέν νυν ταῦτα ἔπρησσε. τὸν αὐτὸν δὲ τοῦτον χρόνον ἐγίνετο ἐπὶ Λιβύην ἄλλοσ στρατιῆσ μέγασ στόλοσ, διὰ πρόφασιν τὴν ἐγὼ ἀπηγήσομαι προδιηγησάμενοσ πρότερον τάδε. τῶν ἐκ τῆσ Ἀργοῦσ ἐπιβατέων παίδων παῖδεσ ἐξελασθέντεσ ὑπὸ Πελασγῶν τῶν ἐκ Βραυρῶνοσ ληισαμένων τὰσ Ἀθηναίων γυναῖκασ, ὑπὸ τούτων ἐξελασθέντεσ ἐκ, Λήμνου οἴχοντο πλέοντεσ ἐσ Λακεδαίμονα, ἱζόμενοι δὲ ἐν τῷ Τηϋγέτῳ πῦρ ἀνέκαιον.

Λακεδαιμόνιοι δὲ ἰδόντεσ ἄγγελον ἔπεμπον πευσόμενοι τίνεσ τε καὶ ὁκόθεν εἰσί·

οἳ δὲ τῷ ἀγγέλῳ εἰρωτῶντι ἔλεγον ὡσ εἰήσαν μὲν Μινύαι, παῖδεσ δὲ εἰε͂ν τῶν ἐν τῇ Ἀργοῖ πλεόντων ἡρώων, προσσχόντασ δὲ τούτουσ ἐσ Λῆμνον φυτεῦσαι σφέασ. οἱ δὲ Λακεδαιμόνιοι ἀκηκοότεσ τὸν λόγον τῆσ γενεῆσ τῶν Μινυέων, πέμψαντεσ τὸ δεύτερον εἰρώτων τί θέλοντεσ ἥκοιέν τε ἐσ τὴν χώρην καὶ πῦρ αἴθοιεν.

οἳ δὲ ἔφασαν ὑπὸ Πελασγῶν ἐκβληθέντεσ ἥκειν ἐσ τοὺσ πατέρασ· δικαιότατον γὰρ εἶναι οὕτω τοῦτο γίνεσθαι. δέεσθαι δὲ οἰκέειν ἅμα τούτοισι μοῖράν τε τιμέων μετέχοντεσ καὶ τῆσ γῆσ ἀπολαχόντεσ. Λακεδαιμονίοισι δὲ ἑάδε δέκεσθαι τοὺσ Μινύασ ἐπ’ οἷσι θέλουσι αὐτοί.

μάλιστα δὲ ἐνῆγε σφέασ ὥστε ποιέειν ταῦτα τῶν Τυνδαριδέων ἡ ναυτιλίη ἐν τῇ Ἀργοῖ. δεξάμενοι δὲ τοὺσ Μινύασ γῆσ τε μετέδοσαν καὶ ἐσ φυλὰσ διεδάσαντο. οἳ δὲ αὐτίκα μὲν γάμουσ ἔγημαν, τὰσ δὲ ἐκ Λήμνου ἤγοντο ἐξέδοσαν ἄλλοισι.

상위

The Histories

목록

일치하는 문장이 없습니다.

SEARCH

MENU NAVIGATION