헬라어 문장 검색 - ΗεροδόΤηεΗιστ́4́043́

(헤로도토스, The Histories, book 4, chapter 43)

οὕτω μὲν αὕτη ἐγνώσθη τὸ πρῶτον, μετὰ δὲ Καρχηδόνιοι εἰσὶ οἱ λέγοντεσ· ἐπεὶ Σατάσπησ γε ὁ Τεάσπιοσ ἀνὴρ Ἀχαιμενίδησ οὐ περιέπλωσε Λιβύην, ἐπ’ αὐτὸ τοῦτο πεμφθείσ, ἀλλὰ δείσασ τό τε μῆκοσ τοῦ πλόου καὶ τὴν ἐρημίην ἀπῆλθε ὀπίσω, οὐδ’ ἐπετέλεσε τὸν ἐπέταξε οἱ ἡ μήτηρ ἀέθλον. θυγατέρα γὰρ Ζωπύρου τοῦ Μεγαβύζου ἐβιήσατο παρθένον·

ἔπειτα μέλλοντοσ αὐτοῦ διὰ ταύτην τὴν αἰτίην ἀνασκολοπιεῖσθαι ὑπὸ Ξέρξεω βασιλέοσ, ἡ μήτηρ τοῦ Σατάσπεοσ ἐοῦσα Δαρείου ἀδελφεὴ παραιτήσατο, φᾶσά οἱ αὐτὴ μέζω ζημίην ἐπιθήσειν ἤ περ ἐκεῖνον· Λιβύην γάρ οἱ ἀνάγκην ἔσεσθαι περιπλώειν, ἐσ ὃ ἂν ἀπίκηται περιπλέων αὐτὴν ἐσ τὸν Ἀράβιον κόλπον.

συγχωρήσαντοσ δὲ Ξέρξεω ἐπὶ τούτοισι, ὁ Σατάσπησ ἀπικόμενοσ ἐσ Αἴγυπτον καὶ λαβὼν νέα τε καὶ ναύτασ παρὰ τούτων ἔπλεε ἐπὶ Ἡρακλέασ στήλασ· διεκπλώσασ δὲ καὶ κάμψασ τὸ ἀκρωτήριον τῆσ Λιβύησ τῷ οὔνομα Σολόεισ ἐστί, ἔπλεε πρὸσ μεσαμβρίην·

περήσασ δὲ θάλασσαν πολλὴν ἐν πολλοῖσι μησί, ἐπείτε τοῦ πλεῦνοσ αἰεὶ ἔδεε, ἀποστρέψασ ὀπίσω ἀπέπλεε ἐσ Αἴγυπτον. ἐκ δὲ ταύτησ ἀπικόμενοσ παρὰ βασιλέα Ξέρξεα ἔλεγε φὰσ τὰ προσωτάτω ἀνθρώπουσ μικροὺσ παραπλέειν ἐσθῆτι φοινικηίῃ διαχρεωμένουσ, οἳ ὅκωσ σφεῖσ καταγοίατο τῇ νηὶ φεύγεσκον πρὸσ τὰ ὄρεα λείποντεσ τὰσ πόλιασ·

αὐτοὶ δὲ ἀδικέειν οὐδὲν ἐσιόντεσ, βρωτὰ δὲ μοῦνα ἐξ αὐτέων λαμβάνειν. τοῦ δὲ μὴ περιπλῶσαι Λιβύην παντελέωσ αἴτιον τόδε ἔλεγε, τὸ πλοῖον τὸ πρόσω οὐ δυνατὸν ἔτι εἶναι προβαίνειν ἀλλ’ ἐνίσχεσθαι.

Ξέρξησ δὲ οὔ οἱ συγγινώσκων λέγειν ἀληθέα οὐκ ἐπιτελέσαντά τε τὸν προκείμενον ἀέθλον ἀνεσκολόπισε, τὴν ἀρχαίην δίκην ἐπιτιμῶν. τούτου δὲ τοῦ Σατάσπεοσ εὐνοῦχοσ ἀπέδρη ἐσ Σάμον, ἐπείτε ἐπύθετο τάχιστα τὸν δεσπότεα τετελευτηκότα, ἔχων χρήματα μεγάλα, τὰ Σάμιοσ ἀνὴρ κατέσχε, τοῦ ἐπιστάμενοσ τὸ οὔνομα ἑκὼν ἐπιλήθομαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 43

(헤로도토스, The Histories, book 4, chapter 43)

상위

목록

SEARCH

MENU NAVIGATION