Herodotus, The Histories, book 4, chapter 81

(헤로도토스, The Histories, book 4, chapter 81)

πλῆθοσ δὲ τὸ Σκυθέων οὐκ οἱο͂σ τε ἐγενόμην ἀτρεκέωσ πυθέσθαι, ἀλλὰ διαφόρουσ λόγουσ περὶ τοῦ ἀριθμοῦ ἤκουον· καὶ γὰρ κάρτα πολλοὺσ εἶναι σφέασ καὶ ὀλίγουσ ὡσ Σκύθασ εἶναι. τοσόνδε μέντοι ἀπέφαινόν μοι ἐσ ὄψιν.

ἔστι μεταξὺ Βορυσθένεόσ τε ποταμοῦ καὶ Ὑπάνιοσ χῶροσ, οὔνομα δέ οἱ ἐστὶ Ἐξαμπαῖοσ· τοῦ καὶ ὀλίγῳ τι πρότερον τούτων μνήμην εἶχον, φάμενοσ ἐν αὐτῷ κρήνην ὕδατοσ πικροῦ εἶναι, ἀπ’ ἧσ τὸ ὕδωρ ἀπορρέον τὸν Ὕπανιν ἄποτον ποιέειν. ἐν τούτῳ τῷ χώρῳ κέεται χαλκήιον, μεγάθει καὶ ἑξαπλήσιον τοῦ ἐπὶ στόματι τοῦ Πόντου κρητῆροσ, τὸν Παυσανίησ ὁ Κλεομβρότου ἀνέθηκε.

ὃσ δὲ μὴ εἶδε κω τοῦτον, ὧδε δηλώσω.

ἑξακοσίουσ ἀμφορέασ εὐπετέωσ χωρέει τὸ ἐν Σκύθῃσι χαλκήιον, πάχοσ δὲ τὸ Σκυθικὸν τοῦτο χαλκήιον ἐστὶ δακτύλων ἕξ. τοῦτο ὦν ἔλεγον οἱ ἐπιχώριοι ἀπὸ ἀρδίων γενέσθαι. βουλόμενον γὰρ τὸν σφέτερον βασιλέα, τῶ οὔνομα εἶναι Ἀριάνταν, τοῦτον εἰδέναι τὸ πλῆθοσ τὸ Σκυθέων κελεύειν μιν πάντασ Σκύθασ ἄρδιν ἕκαστον μίαν ἀπὸ τοῦ ὀιστοῦ κομίσαι.

ὃσ δ’ ἄν μὴ κομίσῃ, θάνατον ἀπείλεε. κομισθῆναι τε δὴ χρῆμα πολλὸν ἀρδίων καί οἱ δόξαι ἐξ αὐτέων μνημόσυνον ποιήσαντι λιπέσθαι.

ἐκ τουτέων δή μιν τὸ χαλκήιον ποιῆσαι τοῦτο καὶ ἀναθεῖναι ἐσ τὸν Ἐξαμπαῖον τοῦτον. ταῦτα δὲ περὶ τοῦ πλήθεοσ τοῦ Σκυθέων ἤκουον.

상위

The Histories

목록

일치하는 문장이 없습니다.

SEARCH

MENU NAVIGATION