Herodotus, The Histories, book 4, chapter 162

(헤로도토스, The Histories, book 4, chapter 162)

ἐπὶ μὲν δὴ τούτου τοῦ Βάττου οὕτω διετέλεε ἐόντα, ἐπὶ δὲ τοῦ τούτου παιδὸσ Ἀρκεσίλεω πολλὴ ταραχὴ περὶ τῶν τιμέων ἐγένετο. Ἀρκεσίλεωσ γὰρ ὁ Βάττου τε τοῦ χωλοῦ καὶ Φερετίμησ οὐκ ἔφη ἀνέξεσθαι κατὰ τὰ ὁ Μαντινεὺσ Δημῶναξ ἔταξε, ἀλλὰ ἀπαίτεε τὰ τῶν προγόνων γέρεα.

ἐνθεῦτεν στασιάζων ἑσσώθη καὶ ἔφυγε ἐσ Σάμον, ἡ δὲ μήτηρ οἱ ἐσ Σαλαμῖνα τῆσ Κύπρου ἔφυγε. τῆσ δὲ Σαλαμῖνοσ τοῦτον τὸν χρόνον ἐπεκράτεε Εὐέλθων, ὃσ τὸ ἐν Δελφοῖσι θυμιητήριον, ἐὸν ἀξιοθέητον ἀνέθηκε, τὸ ἐν τῷ Κορινθίων θησαυρῷ κέεται.

ἀπικομένη δὲ παρὰ τοῦτον ἡ Φερετίμη ἐδέετο στρατιῆσ ἣ κατάξει σφέασ ἐσ τὴν Κυρήνην. ὁ δὲ Εὐέλθων πᾶν μᾶλλον ἢ στρατιήν οἱ ἐδίδου·

ἣ δὲ λαμβάνουσα τὸ διδόμενον καλὸν μὲν ἔφη καὶ τοῦτο εἶναι, κάλλιον δὲ ἐκεῖνο, τὸ δοῦναί οἱ δεομένῃ στρατιήν. τοῦτο ἐπὶ παντὶ γὰρ τῷ διδομένῳ ἔλεγε, τελευταῖόν οἱ ἐξέπεμψε δῶρον ὁ Εὐέλθων ἄτρακτον χρύσεον καὶ ἠλακάτην, προσῆν δε καὶ εἴριον.

ἐπειπάσησ δὲ αὖτισ τῆσ Φερετίμησ τὠυτὸ ἔποσ, ὁ Εὐέλθων ἔφη τοιούτοισι γυναῖκασ δωρέεσθαι ἀλλ’ οὐ στρατιῇ.

상위

The Histories

목록

일치하는 문장이 없습니다.

SEARCH

MENU NAVIGATION