Herodotus, The Histories, book 4, chapter 143

(헤로도토스, The Histories, book 4, chapter 143)

Δαρεῖοσ δὲ διὰ τῆσ Θρηίκησ πορευόμενοσ ἀπίκετο ἐσ Σηστὸν τῆσ Χερσονήσου. ἐνθεῦτεν δὲ αὐτὸσ μὲν διέβη τῇσι νηυσὶ ἐσ τὴν Ἀσίην, λείπει δὲ στρατηγὸν ἐν τῇ Εὐρώπῃ Μεγάβαζον ἄνδρα Πέρσην· τῷ Δαρεῖοσ κοτὲ ἔδωκε γέρασ, τοιόνδε εἴπασ ἐν Πέρσῃσι ἔποσ. ὁρμημένου Δαρείου ῥοιὰσ τρώγειν, ὡσ ἄνοιξε τάχιστα τὴν πρώτην τῶν ῥοιέων, εἴρετο αὐτὸν ὁ ἀδελφεὸσ Ἀρτάβανοσ ὅ τι βούλοιτ’ ἄν οἱ τοσοῦτο πλῆθοσ γενέσθαι ὅσοι ἐν τῇ ῥοιῇ κόκκοι·

Δαρεῖοσ δὲ εἶπε Μεγαβάζουσ ἄν οἱ τοσούτουσ ἀριθμὸν γενέσθαι βούλεσθαι μᾶλλον ἢ τὴν Ἑλλάδα ὑπήκοον. ἐν μὲν δὴ Πέρσησι ταῦτά μιν εἴπασ ἐτίμα, τότε δὲ αὐτὸν ὑπέλιπε στρατηγὸν ἔχοντα τῆσ στρατιῆσ τῆσ ἑωυτοῦ ὀκτὼ μυριάδασ.

상위

The Histories

목록

일치하는 문장이 없습니다.

SEARCH

MENU NAVIGATION