Herodotus, The Histories, book 4, chapter 14

(헤로도토스, The Histories, book 4, chapter 14)

καὶ ὅθεν μὲν ἦν Ἀριστέησ ὁ ταῦτα εἴπασ, εἴρηκα, τὸν δὲ περὶ αὐτοῦ ἤκουον λόγον ἐν Προκοννήσῳ καί Κυζίκῳ, λέξω. Ἀριστέην γὰρ λέγουσι, ἐόντα τῶν ἀστῶν οὐδενὸσ γένοσ ὑποδεέστερον, ἐσελθόντα ἐσ κναφήιον ἐν Προκοννήσῳ ἀποθανεῖν, καὶ τόν κναφέα κατακληίσαντα τὸ ἐργαστήριον οἴχεσθαι ἀγγελέοντα τοῖσι προσήκουσι τῷ νεκρῷ. ἐσκεδασμένου δὲ ἤδη τοῦ λόγου ἀνὰ τὴν πόλιν ὡσ τεθνεώσ εἰή ὁ Ἀριστέησ, ἐσ ἀμφισβασίασ τοῖσι λέγουσι ἀπικνέεσθαι ἄνδρα Κυζικηνὸν ἥκοντα ἐξ Ἀρτάκησ πόλιοσ, φάντα συντυχεῖν τε οἱ ἰόντι ἐπὶ Κυζίκου καὶ ἐσ λόγουσ ἀπικέσθαι.

καὶ τοῦτον μὲν ἐντεταμένωσ ἀμφισβατέειν, τοὺσ δὲ προσήκοντασ τῷ νεκρῷ ἐπὶ τὸ κναφήιον παρεῖναι ἔχοντασ τὰ πρόσφορα ὡσ ἀναιρησομένουσ· ἀνοιχθέντοσ δὲ τοῦ οἰκήματοσ οὔτε τεθνεῶτα οὔτε ζῶντα φαίνεσθαι Ἀριστέην.

μετὰ δὲ ἑβδόμῳ ἔτει φανέντα αὐτὸν ἐσ Προκόννησον ποιῆσαι τὰ ἔπεα ταῦτα τὰ νῦν ὑπ’ Ἑλλήνων Ἀριμάσπεα καλέεται, ποιήσαντα δὲ ἀφανισθῆναι τὸ δεύτερον.

상위

The Histories

목록

일치하는 문장이 없습니다.

SEARCH

MENU NAVIGATION