Herodotus, The Histories, book 4, chapter 98

(헤로도토스, The Histories, book 4, chapter 98)

ταῦτα δὲ εἴπασ καὶ ἀπάψασ ἅμματα ἑξήκοντα ἐν ἱμάντι καλέσασ ἐσ λόγουσ τοὺσ Ιὤνων τυράννουσ ἔλεγε τάδε. "ἄνδρεσ Ιὤνεσ, ἡ μὲν πρότερον γνώμη ἀποδεχθεῖσα ἐσ τὴν γέφυραν μετείσθω μοι, ἔχοντεσ δὲ τὸν ἱμάντα τόνδε ποιέετε τάδε.

ἐπεὰν ἐμὲ ἴδητε τάχιστα πορευόμενον ἐπὶ Σκύθασ, ἀπὸ τούτου ἀρξάμενοι τοῦ χρόνου λύετε ἅμμα ἓν ἑκάστησ ἡμέρησ· ἢν δὲ ἐν τούτῳ τῷ χρόνῳ μὴ παρέω ἀλλὰ διεξέλθωσι ὑμῖν αἱ ἡμέραι τῶν ἁμμάτων, ἀποπλέετε ἐσ τὴν ὑμετέρην αὐτῶν. μέχρι δὲ τούτου, ἐπείτε οὕτω μετέδοξε, φυλάσσετε τὴν σχεδίην, πᾶσαν προθυμίην σωτηρίησ τε καὶ φυλακῆσ παρεχόμενοι.

ταῦτα δὲ ποιεῦντεσ ἐμοὶ μεγάλωσ χαριεῖσθε. " Δαρεῖοσ μὲν ταῦτα εἴπασ ἐσ τὸ πρόσω ἐπείγετο.

상위

The Histories

목록

일치하는 문장이 없습니다.

SEARCH

MENU NAVIGATION