헬라어 문장 검색 - ΗεροδόΤηεΗιστ́4́086́

(헤로도토스, The Histories, book 4, chapter 86)

μεμέτρηται δὲ ταῦτα ὧδε. νηῦσ ἐπίπαν μάλιστα κῃ κατανύει ἐν μακρημερίῃ ὀργυιὰσ ἑπτακισμυρίασ, νυκτὸσ δὲ ἑξακισμυρίασ. ἤδη ὦν ἐσ μὲν Φᾶσιν ἀπὸ τοῦ στόματοσ τοῦτο γὰρ ἐστὶ τοῦ Πόντου μακρότατον ἡμερέων ἐννέα πλόοσ ἐστὶ καὶ νυκτῶν ὀκτώ·

αὗται ἕνδεκα μυριάδεσ καὶ ἑκατὸν ὀργυιέων γίνονται, ἐκ δὲ τῶν ὀργυιέων τουτέων στάδιοι ἑκατὸν καὶ χίλιοι καὶ μύριοι εἰσί. ἐσ δὲ Θεμισκύρην τὴν ἐπὶ Θερμώδοντι ποταμῷ ἐκ τῆσ Σινδικῆσ κατὰ τοῦτο γὰρ ἐστὶ τοῦ Πόντου εὐρύτατον τριῶν τε ἡμερέων καὶ δύο νυκτῶν πλόοσ·

αὗται δὲ τρεῖσ μυριάδεσ καὶ τριήκοντα ὀργυιέων γίνονται, στάδιοι δὲ τριηκόσιοι καὶ τρισχίλιοι. ὁ μέν νυν Πόντοσ οὗτοσ καὶ Βόσπορόσ τε καὶ Ἑλλήσποντοσ οὕτω τέ μοι μεμετρέαται καὶ κατὰ τὰ εἰρημένα πεφύκασι, παρέχεται δὲ καὶ λίμνην ὁ Πόντοσ οὗτοσ ἐκδιδοῦσαν ἐσ αὐτὸν οὐ πολλῷ τεῳ ἐλάσσω ἑωυτοῦ, ἣ Μαιῆτίσ τε καλέεται καὶ μήτηρ τοῦ Πόντου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 86

(헤로도토스, The Histories, book 4, chapter 86)

상위

목록

SEARCH

MENU NAVIGATION