헬라어 문장 검색 - ΗεροδόΤηεΗιστ́4́011́

(헤로도토스, The Histories, book 4, chapter 11)

ἔστι δὲ καὶ ἄλλοσ λόγοσ ἔχων ὧδε, τῷ μάλιστα λεγομένῳ αὐτόσ πρόσκειμαι, Σκύθασ τοὺσ νομάδασ οἰκέοντασ ἐν τῇ Ἀσίῃ, πολέμῳ πιεσθέντασ ὑπὸ Μασσαγετέων, οἴχεσθαι διαβάντασ ποταμὸν Ἀράξην ἐπὶ γῆν τὴν Κιμμερίην τὴν γὰρ νῦν νέμονται Σκύθαι, αὕτη λέγεται τὸ παλαιὸν εἶναι Κιμμερίων, τοὺσ δὲ Κιμμερίουσ ἐπιόντων Σκυθέων βουλεύεσθαι ὡσ στρατοῦ ἐπιόντοσ μεγάλου, καὶ δὴ τὰσ γνώμασ σφέων κεχωρισμένασ, ἐντόνουσ μὲν ἀμφοτέρασ, ἀμείνω δὲ τὴν τῶν βασιλέων· τὴν μὲν γὰρ δὴ τοῦ δήμου φέρειν γνώμην ὡσ ἀπαλλάσσεσθαι πρῆγμα εἰή μηδὲ πρὸ σποδοῦ μένοντασ κινδυνεύειν, τὴν δὲ τῶν βασιλέων διαμάχεσθαι περὶ τῆσ χώρησ τοῖσι ἐπιοῦσι.

οὔκων δὴ ἐθέλειν πείθεσθαι οὔτε τοῖσι βασιλεῦσι τὸν δῆμον οὔτε τῷ δήμῳ τοὺσ βασιλέασ·

τοὺσ μὲν δὴ ἀπαλλάσσεσθαι βουλεύεσθαι ἀμαχητὶ τὴν χωρῆν παραδόντασ τοῖσι ἐπιοῦσι· τοῖσι δὲ βασιλεῦσι δόξαι ἐν τῇ ἑωυτῶν κεῖσθαι ἀποθανόντασ μηδὲ συμφεύγειν τῷ δήμῳ, λογισαμένουσ ὅσα τε ἀγαθὰ πεπόνθασι καὶ ὅσα φεύγοντασ ἐκ τῆσ πατρίδοσ κακὰ ἐπίδοξα καταλαμβάνειν. ὡσ δὲ δόξαι σφι ταῦτα, διαστάντασ καὶ ἀριθμὸν ἴσουσ γενομένουσ μάχεσθαι πρὸσ ἀλλήλουσ.

καὶ τοὺσ μὲν ἀποθανόντασ πάντασ ὑπ’ ἑωυτῶν θάψαι τὸν δῆμον τῶν Κιμμερίων παρὰ ποταμὸν Τύρην καί σφεων ἔτι δῆλοσ ἐστὶ ὁ τάφοσ, θάψαντασ δὲ οὕτω τὴν ἔξοδον ἐκ τῆσ χώρησ ποιέεσθαι· Σκύθασ δὲ ἐπελθόντασ λαβεῖν τὴν χώρην ἐρήμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 11

(헤로도토스, The Histories, book 4, chapter 11)

상위

목록

SEARCH

MENU NAVIGATION