헬라어 문장 검색 - ΗεροδόΤηεΗιστ́4́042́

(헤로도토스, The Histories, book 4, chapter 42)

θωμάζω ὦν τῶν διουρισάντων καὶ διελόντων Λιβύην τε καὶ Ἀσίην καὶ Εὐρώπην· οὐ γὰρ σμικρὰ τὰ διαφέροντα αὐτέων ἐστί· μήκεϊ μὲν γὰρ παρ’ ἀμφοτέρασ παρήκει ἡ Εὐρώπη, εὔρεοσ δὲ πέρι οὐδὲ συμβάλλειν ἀξίη φαίνεταί μοι εἶναι. Λιβύη μὲν γὰρ δηλοῖ ἑωυτὴν ἐοῦσα περίρρυτοσ, πλὴν ὅσον αὐτῆσ πρὸσ τὴν Ἀσίην οὐρίζει, Νεκῶ τοῦ Αἰγυπτίων βασιλέοσ πρώτου τῶν ἡμεῖσ ἴδμεν καταδέξαντοσ·

ὃσ ἐπείτε τὴν διώρυχα ἐπαύσατο ὀρύσσων τὴν ἐκ τοῦ Νείλου διέχουσαν ἐσ τὸν Ἀράβιον κόλπον, ἀπέπεμψε Φοίνικασ ἄνδρασ πλοίοισι, ἐντειλάμενοσ ἐσ τὸ ὀπίσω δι’ Ἡρακλέων στηλέων ἐκπλέειν ἑώσ ἐσ τὴν βορηίην θάλασσαν καὶ οὕτω ἐσ Αἴγυπτον ἀπικνέεσθαι. ὁρμηθέντεσ ὦν οἱ Φοίνικεσ ἐκ τῆσ Ἐρυθρῆσ θαλάσσησ ἔπλεον τὴν νοτίην θάλασσαν·

ὅκωσ δὲ γίνοιτο φθινόπωρον προσσχόντεσ ἂν σπείρεσκον τὴν γῆν, ἵνα ἑκάστοτε τῆσ Λιβύησ πλέοντεσ γινοίατο, καὶ μένεσκον τὸν ἄμητον· θερίσαντεσ δ’ ἂν τὸν σῖτον ἔπλεον, ὥστε δύο ἐτέων διεξελθόντων τρίτῳ ἔτεϊ κάμψαντεσ Ἡρακλέασ στήλασ ἀπίκοντο ἐσ Αἴγυπτον.

καὶ ἔλεγον ἐμοὶ μὲν οὐ πιστά, ἄλλῳ δὲ δή τεῳ, ὡσ περιπλώοντεσ τὴν Λιβύην τὸν ἥλιον ἔσχον ἐσ τὰ δεξιά.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 42

(헤로도토스, The Histories, book 4, chapter 42)

상위

목록

SEARCH

MENU NAVIGATION