Diodorus Siculus, Library, book xi, chapter 33 3:

οἱ δ’ Ἕλληνεσ ἐκ τῶν λαφύρων δεκάτην ἐξελόμενοι κατεσκεύασαν χρυσοῦν τρίποδα, καὶ ἀνέθηκαν εἰσ Δελφοὺσ χαριστήριον τῷ θεῷ, ἐπιγράψαντεσ ἐλεγεῖον τόδε, Ἑλλάδοσ εὐρυχόρου σωτῆρεσ τόνδ’ ἀνέθηκαν, δουλοσύνησ στυγερᾶσ ῥυσάμενοι πόλιασ. ἐπέγραψαν δὲ καὶ τοῖσ ἐν Θερμοπύλαισ ἀποθανοῦσι Λακεδαιμονίοισ κοινῇ μὲν ἅπασι τόδε, μυριάσιν ποτὲ τῇδε διηκοσίαισ ἐμάχοντο ἐκ Πελοποννήσου χιλιάδεσ τέτορεσ, ἰδίᾳ δὲ αὐτοῖσ τόδε, ὦ ξεῖν’, ἄγγειλον Λακεδαιμονίοισ ὅτι τῇδε κείμεθα τοῖσ κείνων πειθόμενοι νομίμοισ.