헬라어 문장 검색 - ΗεροδόΤηεΗιστ́4́191́

(헤로도토스, The Histories, book 4, chapter 191)

τὸ δὲ πρὸσ ἑσπέρησ τοῦ Τρίτωνοσ ποταμοῦ Αὐσέων ἔχονται ἀροτῆρεσ ἤδη Λίβυεσ καὶ οἰκίασ νομίζοντεσ ἐκτῆσθαι, τοῖσι οὔνομα κέεται Μάξυεσ. οἳ τὰ ἐπὶ δεξιὰ τῶν κεφαλέων κομόωσι, τὰ δ’ ἐπ’ ἀριστερὰ κείρουσι, τὸ δὲ σῶμα χρίονται μίλτῳ. φασὶ δὲ οὗτοι εἶναι τῶν ἐκ Τροίησ ἀνδρῶν. ἡ δὲ χώρη αὕτη τε καὶ ἡ λοιπὴ τῆσ Λιβύησ ἡ πρὸσ ἑσπέρην πολλῷ θηριωδεστέρη τε καὶ δασυτέρη ἐστὶ τῆσ τῶν νομάδων χώρησ.

ἡ μὲν γὰρ δὴ πρὸσ τὴν ἠῶ τῆσ Λιβύησ, τὴν οἱ νομάδεσ νέμουσι, ἐστὶ ταπεινή τε καὶ ψαμμώδησ μέχρι τοῦ Τρίτωνοσ ποταμοῦ, ἡ δὲ ἀπὸ τούτου τὸ πρὸσ ἑσπέρην ἡ τῶν ἀροτήρων ὀρεινή τε κάρτα καὶ δασέα καὶ θηριώδησ·

καὶ γὰρ οἱ ὄφιεσ οἱ ὑπερμεγάθεεσ καὶ οἱ λέοντεσ κατὰ τούτουσ εἰσὶ καὶ οἱ ἐλέφαντέσ τε καὶ ἄρκτοι καὶ ἀσπίδεσ τε καὶ ὄνοι οἱ τὰ κέρεα ἔχοντεσ καὶ οἱ κυνοκέφαλοι καὶ οἱ ἀκέφαλοι οἱ ἐν τοῖσι στήθεσι τοὺσ ὀφθαλμοὺσ ἔχοντεσ, ὡσ δὴ λέγονταί γε ὑπὸ Λιβύων, καὶ οἱ ἄγριοι ἄνδρεσ καὶ γυναῖκεσ ἄγριαι, καὶ ἄλλα πλήθεϊ πολλὰ θηρία ἀκατάψευστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 191

(헤로도토스, The Histories, book 4, chapter 191)

상위

목록

SEARCH

MENU NAVIGATION