헬라어 문장 검색 - ΗεροδόΤηεΗιστ́4́183́

(헤로도토스, The Histories, book 4, chapter 183)

ἀπὸ δὲ Αὐγίλων διὰ δέκα ἡμερέων ἀλλέων ὁδοῦ ἕτεροσ ἁλὸσ κολωνὸσ καὶ ὕδωρ καὶ φοίνικεσ καρποφόροι πολλοί, κατά περ καὶ ἐν τοῖσι ἑτέροισι· καὶ ἄνθρωποι οἰκέουσι ἐν αὐτῷ τοῖσι οὔνομα Γαράμαντεσ ἐστί, ἔθνοσ μέγα ἰσχυρῶσ, οἳ ἐπὶ τὸν ἅλα γῆν ἐπιφορέοντεσ οὕτω σπείρουσι. συντομώτατον δ’ ἐστὶ ἐσ τοὺσ Λωτοφάγουσ, ἐκ τῶν τριήκοντα ἡμερέων ἐσ αὐτοὺσ ὁδόσ ἐστι·

ἐν τοῖσι καὶ οἱ ὀπισθονόμοι βόεσ γίνονται· ὀπισθονόμοι δὲ διὰ τόδε εἰσι. τὰ κέρεα ἔχουσι κεκυφότα ἐσ τὸ ἔμπροσθε· διὰ τοῦτο ὀπίσω ἀναχωρέοντεσ νέμονται·

ἐσ γὰρ τὸ ἔμπροσθε οὐκ οἱοῖ τε εἰσὶ προεμβαλλόντων ἐσ τὴν γῆν τῶν κερέων. ἄλλο δὲ οὐδὲν διαφέρουσι τῶν ἄλλων βοῶν ὅτι μὴ τοῦτο καὶ τὸ δέρμα ἐσ παχύτητά τε καὶ τρῖψιν. οἱ Γαράμαντεσ δὴ οὗτοι τοὺσ τρωγλοδύτασ Αἰθίοπασ θηρεύουσι τοῖσι τεθρίπποισι·

οἱ γὰρ τρωγλοδύται Αἰθίοπεσ πόδασ τάχιστοι ἀνθρώπων πάντων εἰσὶ τῶν ἡμεῖσ πέρι λόγουσ ἀποφερομένουσ ἀκούομεν. σιτέονται δὲ οἱ τρωγλοδύται ὄφισ καὶ σαύρουσ καὶ τὰ τοιαῦτα τῶν ἑρπετῶν· γλῶσσαν δὲ οὐδεμιῇ ἄλλῃ παρομοίην νενομίκασι, ἀλλὰ τετρίγασι κατά περ αἱ νυκτερίδεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 183

(헤로도토스, The Histories, book 4, chapter 183)

상위

목록

SEARCH

MENU NAVIGATION