헬라어 문장 검색 - ΗεροδόΤηεΗιστ́4́160́

(헤로도토스, The Histories, book 4, chapter 160)

τούτου δὲ τοῦ Βάττου παῖσ γίνεται Ἀρκεσίλεωσ. ὃσ βασιλεύσασ πρῶτα τοῖσι ἑωυτοῦ ἀδελφεοῖσι ἐστασίασε, ἐσ ὅ μιν οὗτοι ἀπολιπόντεσ οἴχοντο ἐσ ἄλλον χῶρον τῆσ Λιβύησ καὶ ἐπ’ ἑωυτῶν βαλόμενοι ἔκτισαν πόλιν ταύτην ἣ τότε καὶ νῦν Βάρκη κλέεται· κτίζοντεσ δὲ ἅμα αὐτὴν ἀπιστᾶσι ἀπὸ τῶν Κυρηναίων τοὺσ Λίβυασ. μετὰ δὲ Ἀρκεσίλεωσ ἐσ τοὺσ ὑποδεξαμένουσ τε τῶν Λιβύων καὶ ἀποστάντασ τοὺσ αὐτοὺσ τούτουσ ἐστρατεύετο·

οἱ δὲ Λίβυεσ δείσαντεσ αὐτὸν οἴχοντο φεύγοντεσ πρὸσ τοὺσ ἠοίουσ τῶν Λιβύων. ὁ δὲ Ἀρκεσίλεωσ εἵπετο φεύγουσι, ἐσ οὗ ἐν Λεύκωνί τε τῆσ Λιβύησ ἐγίνετο ἐπιδιώκων καὶ ἔδοξε τοῖσι Λίβυσι ἐπιθέσθαι οἱ.

συμβαλόντεσ δὲ ἐνίκησαν τοὺσ Κυρηναίουσ τοσοῦτο ὥστε ἑπτακισχιλίουσ ὁπλίτασ Κυρηναίων ἐνθαῦτα πεσεῖν. μετὰ δὲ τὸ τρῶμα τοῦτο Ἀρκεσίλεων μὲν κάμνοντά τε καὶ φάρμακον πεπωκότα ὁ ἀδελφεὸσ Ἁλίαρχοσ ἀποπνίγει, Ἁλίαρχον δὲ ἡ γυνὴ ἡ Ἀρκεσίλεω δόλῳ κτείνει, τῇ οὔνομα ἦν Ἐρυξώ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 160

(헤로도토스, The Histories, book 4, chapter 160)

상위

목록

SEARCH

MENU NAVIGATION