헬라어 문장 검색 - ΗεροδόΤηεΗιστ́4́127́

(헤로도토스, The Histories, book 4, chapter 127)

πρὸσ ταῦτα ὁ Σκυθέων βασιλεὺσ Ἰδάνθυρσοσ λέγει τάδε. "οὕτω τὸ ἐμὸν ἔχει, ὦ Πέρσα. ἐγὼ οὐδένα κω ἀνθρώπων δείσασ ἔφυγον οὔτε πρότερον οὔτε νῦν σὲ φεύγω, οὐδέ τι νεώτερον εἰμὶ ποιήσασ νῦν ἢ καὶ ἐν εἰρήνη ἐώθεα ποιέειν. ὅ τι δὲ οὐκ αὐτίκα μάχομαι τοι, ἐγὼ καὶ τοῦτο σημανέω.

ἡμῖν οὔτε ἄστεα οὔτε γῆ πεφυτευμένη ἐστί, τῶν πέρι δείσαντεσ μὴ ἁλῷ, ἢ καρῇ ταχύτερον ἂν ὑμῖν συμμίσγοιμεν ἐσ μάχην. εἰ δὲ δέοι πάντωσ ἐσ τοῦτο κατὰ τάχοσ ἀπικνέεσθαι, τυγχάνουσι ἡμῖν ἐόντεσ τάφοι πατρώιοι· φέρετε, τούτουσ ἀνευρόντεσ συγχέειν πειρᾶσθε αὐτούσ, καὶ γνώσεσθε τότε εἴτε ὑμῖν μαχησόμεθα περὶ τῶν τάφων εἴτε καὶ οὐ μαχησόμεθα.

πρότερον δέ, ἢν μὴ ἡμέασ λόγοσ αἱρέῃ, οὐ συμμίξομεν τοι. ἀμφὶ μὲν μάχῃ τοσαῦτα εἰρήσθω, δεσπότασ δὲ ἐμοὺσ ἐγὼ Δία τε νομίζω τὸν ἐμὸν πρόγονον καὶ Ἱστίην τὴν Σκυθέων βασίλειαν μούνουσ εἶναι.

σοὶ δὲ ἀντὶ μὲν δώρων γῆσ τε καὶ ὕδατοσ δῶρα πέμψω τοιαῦτα οἱᾶ σοὶ πρέπει ἐλθεῖν, ἀντὶ δὲ τοῦ ὅτι δεσπότησ ἔφησασ εἶναι ἐμόσ, κλαίειν λέγω. " τοῦτο ἐστὶ ἡ ἀπὸ Σκυθέων ῥῆσισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 127

(헤로도토스, The Histories, book 4, chapter 127)

상위

목록

SEARCH

MENU NAVIGATION