헬라어 문장 검색 - ΗεροδόΤηεΗιστ́4́118́

(헤로도토스, The Histories, book 4, chapter 118)

ἐπὶ τούτων ὦν τῶν καταλεχθέντων ἐθνέων τοὺσ βασιλέασ ἁλισμένουσ ἀπικόμενοσ τῶν Σκυθέων οἱ ἄγγελοι ἔλεγον ἐκδιδάσκοντεσ ὡσ ὁ Πέρσησ, ἐπειδή οἱ τὰ ἐν τῇ ἠπείρῳ τῇ ἑτέρῃ πάντα κατέστραπται, γέφυραν ζεύξασ ἐπὶ τῷ αὐχένι τοῦ Βοσπόρου διαβέβηκε ἐσ τήνδε τὴν ἤπειρον, διαβὰσ δὲ καὶ καταστρεψάμενοσ Θρήικασ γεφυροῖ ποταμὸν Ἴστρον, βουλόμενοσ καὶ τάδε πάντα ὑπ’ ἑωυτῷ ποιήσασθαι. "ὑμεῖσ ὦν μηδενὶ τρόπῳ ἐκ τοῦ μέσου κατήμενοι περιίδητε ἡμέασ διαφθαρέντασ, ἀλλὰ τὠυτὸ νοήσαντεσ ἀντιάζωμεν τὸν ἐπιόντα.

οὔκων ποιήσετε ταῦτα; ἡμεῖσ μὲν πιεζόμενοι ἢ ἐκλείψομεν τὴν χώρην ἢ μένοντεσ ὁμολογίῃ χρησόμεθα. τί γὰρ πάθωμεν μὴ βουλομένων ὑμέων τιμωρέειν;

ὑμῖν δὲ οὐδὲν ἐπὶ τούτῳ ἔσται ἐλαφρότερον. ἥκει γὰρ ὁ Πέρσησ οὐδέν τι μᾶλλον ἐπ’ ἡμέασ ἢ οὐ καὶ ἐπ’ ὑμέασ, οὐδέ οἱ καταχρήσει ἡμέασ καταστρεψαμένῳ ὑμέων ἀπέχεσθαι. μέγα δὲ ὑμῖν λόγων τῶνδε μαρτύριον ἐρέομεν.

εἰ γὰρ ἐπ’ ἡμέασ μούνουσ ἐστρατηλάτεε ὁ Πέρσησ τίσασθαι τῆσ πρόσθε δουλοσύνησ βουλόμενοσ, χρῆν αὐτὸν πάντων τῶν ἄλλων ἀπεχόμενον ἰέναι οὕτω ἐπὶ τὴν ἡμετέρην, καὶ ἂν ἐδήλου πᾶσι ὡσ ἐπὶ Σκύθασ ἐλαύνει καὶ οὐκ ἐπὶ τοὺσ ἄλλουσ. νῦν δὲ ἐπείτε τάχιστα διέβη ἐσ τήνδε τὴν ἤπειρον, τοὺσ αἰεὶ ἐμποδὼν γινομένουσ ἡμεροῦται πάντασ·

τούσ τε δὴ ἄλλουσ ἔχει ὑπ’ ἑωυτῷ Θρήικασ καὶ δὴ καὶ τοὺσ ἡμῖν ἐόντασ πλησιοχώρουσ Γέτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 118

(헤로도토스, The Histories, book 4, chapter 118)

상위

목록

SEARCH

MENU NAVIGATION