헬라어 문장 검색 - ΗεροδόΤηεΗιστ́4́111́

(헤로도토스, The Histories, book 4, chapter 111)

οἱ δὲ Σκύθαι οὐκ εἶχον συμβαλέσθαι τὸ πρῆγμα· οὔτε γὰρ φωνὴν οὔτε ἐσθῆτα οὔτε τὸ ἔθνοσ ἐγίνωσκον, ἀλλ’ ἐν θώματι ἦσαν ὁκόθεν ἔλθοιεν, ἐδόκεον δ’ αὐτὰσ εἶναι ἄνδρασ τὴν αὐτὴν ἡλικίην ἔχοντασ, μάχην τε δὴ πρὸσ αὐτὰσ ἐποιεῦντο. ἐκ δὲ τῆσ μάχησ τῶν νεκρῶν ἐκράτησαν οἱ Σκύθαι, καὶ οὕτω ἔγνωσαν ἐούσασ γυναῖκασ. βουλευομένοισι ὦν αὐτοῖσι ἔδοξε κτείνειν μὲν οὐδενὶ τρόπῳ ἔτι αὐτάσ, ἑωυτῶν δὲ τοὺσ νεωτάτουσ ἀποπέμψαι ἐσ αὐτάσ, πλῆθοσ εἰκάσαντασ ὅσαι περ ἐκεῖναι ἦσαν τούτουσ δὲ στρατοπεδεύεσθαι πλησίον ἐκεινέων καὶ ποιέειν τὰ περ ἂν καὶ ἐκεῖναι ποιέωσι.

ἢν δὲ αὐτοὺσ διώκωσι, μάχεσθαι μὲν μή, ὑποφεύγειν δέ· ἐπεὰν δὲ παύσωνται, ἐλθόντασ αὖτισ πλησίον στρατοπεδεύεσθαι. ταῦτα ἐβουλεύσαντο οἱ Σκύθαι βουλόμενοι ἐξ αὐτέων παῖδασ ἐκγενήσεσθαι. ἀποπεμφθέντεσ δὲ οἱ νεηνίσκοι ἐποίευν τὰ ἐντεταλμένα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 111

(헤로도토스, The Histories, book 4, chapter 111)

상위

목록

SEARCH

MENU NAVIGATION