헬라어 문장 검색 - ΗεροδόΤηεΗιστ́4́094́

(헤로도토스, The Histories, book 4, chapter 94)

ἀθανατίζουσι δὲ τόνδε τὸν τρόπον· οὔτε ἀποθνήσκειν ἑωυτοὺσ νομίζουσι ἰέναι τε τὸν ἀπολλύμενον παρὰ Σάλμοξιν δαίμονα· οἳ δὲ αὐτῶν τὸν αὐτὸν τοῦτον ὀνομάζουσι Γεβελέιζιν· διὰ πεντετηρίδοσ τε τὸν πάλῳ λαχόντα αἰεὶ σφέων αὐτῶν ἀποπέμπουσι ἄγγελον παρὰ τὸν Σάλμοξιν, ἐντελλόμενοι τῶν ἂν ἑκάστοτε δέωνται, πέμπουσι δὲ ὧδε·

οἳ μὲν αὐτῶν ταχθέντεσ ἀκόντια τρία ἔχουσι, ἄλλοι δὲ διαλαβόντεσ τοῦ ἀποπεμπομένου παρὰ τὸν Σάλμοξιν τὰσ χεῖρασ καὶ τοὺσ πόδασ, ἀνακινήσαντεσ αὐτὸν μετέωρον ῥίπτουσι ἐσ τὰσ λόγχασ. ἢν μὲν δὴ ἀποθάνῃ ἀναπαρείσ, τοῖσι δὲ ἵλεοσ ὁ θεὸσ δοκέει εἶναι· ἢν δὲ μὴ ἀποθάνῃ, αἰτιῶνται αὐτὸν τὸν ἄγγελον, φάμενοί μιν ἄνδρα κακὸν εἶναι, αἰτιησάμενοι δὲ τοῦτον ἄλλον ἀποπέμπουσι·

ἐντέλλονται δὲ ἔτι ζῶντι. οὗτοι οἱ αὐτοὶ Θρήικεσ καὶ πρὸσ βροντήν τε καὶ ἀστραπὴν τοξεύοντεσ ἄνω πρὸσ τὸν οὐρανὸν ἀπειλέουσι τῷ θεῷ, οὐδένα ἄλλον θεὸν νομίζοντεσ εἶναι εἰ μὴ τὸν σφέτερον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 94

(헤로도토스, The Histories, book 4, chapter 94)

상위

목록

SEARCH

MENU NAVIGATION