헬라어 문장 검색 - ΗεροδόΤηεΗιστ́4́079́

(헤로도토스, The Histories, book 4, chapter 79)

ἐπείτε δὲ ἔδεέ οἱ κακῶσ γενέσθαι, ἐγίνετο ἀπὸ προφάσιοσ τοιῆσδε. ἐπεθύμησε Διονύσῳ Βακχείῳ τελεσθῆναι· μέλλοντι δέ οἱ ἐσ χεῖρασ ἄγεσθαι τὴν τελετὴν ἐγένετο φάσμα μέγιστον. ἦν οἱ ἐν Βορυσθενεϊτέων τῇ πόλι οἰκίησ μεγάλησ καὶ πολυτελέοσ περιβολή, τῆσ καὶ ὀλίγῳ τι πρότερον τούτων μνήμην εἶχον, τὴν πέριξ λευκοῦ λίθου σφίγγεσ τε καὶ γρῦπεσ ἕστασαν·

ἐσ ταύτην ὁ θεὸσ ἐνέσκηψε βέλοσ. καὶ ἣ μὲν κατεκάη πᾶσα, Σκύλησ δὲ οὐδὲν τούτου εἵνεκα ἧσσον ἐπετέλεσε τὴν τελετήν. Σκύθαι δὲ τοῦ βακχεύειν πέρι Ἕλλησι ὀνειδίζουσι·

οὐ γὰρ φασὶ οἰκὸσ εἶναι θεὸν ἐξευρίσκειν τοῦτον ὅστισ μαίνεσθαι ἐνάγει ἀνθρώπουσ. ἐπείτε δὲ ἐτελέσθη τῷ Βακχείῳ ὁ Σκύλησ, διεπρήστευσε τῶν τισ Βορυσθενειτέων πρὸσ τοὺσ Σκύθασ λέγων "ἡμῖν γὰρ καταγελᾶτε, ὦ Σκύθαι, ὅτι βακχεύομεν καὶ ἡμέασ ὁ θεὸσ λαμβάνει·

νῦν οὗτοσ ὁ δαίμων καὶ τὸν ὑμέτερον βασιλέα λελάβηκε, καὶ βακχεύει τε καὶ ὑπὸ τοῦ θεοῦ μαίνεται. εἰ δέ μοι ἀπιστέετε, ἕπεσθε, καὶ ὑμῖν ἐγὼ δέξω. εἵποντο τῶν Σκύθεων οἱ προεστεῶτεσ, καὶ αὐτοὺσ ἀναγαγὼν ὁ Βορυσθενεί̈τησ λάθρῃ ἐπὶ πύργον κατεῖσε.

ἐπείτε δὲ παρήιε σὺν τῷ θιάσῳ ὁ Σκύλησ καὶ εἶδόν μιν βακχεύοντα οἱ Σκύθαι, κάρτα συμφορὴν μεγάλην ἐποιήσαντο, ἐξελθόντεσ δὲ ἐσήμαινον πάσῃ τῇ στρατιῇ τὰ ἴδοιεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 79

(헤로도토스, The Histories, book 4, chapter 79)

상위

목록

SEARCH

MENU NAVIGATION