헬라어 문장 검색 - ΗεροδόΤηεΗιστ́4́071́

(헤로도토스, The Histories, book 4, chapter 71)

ταφαὶ δὲ τῶν βασιλέων ἐν Γέρροισι εἰσὶ ἐσ ὃ ὁ Βορυσθένησ ἐστὶ προσπλωτόσ· ἐνθαῦτα, ἐπεάν σφι ἀποθάνῃ ὁ βασιλεύσ, ὄρυγμα γῆσ μέγα ὀρύσσουσι τετράγωνον, ἕτοιμον δὲ τοῦτο ποιήσαντεσ ἀναλαμβάνουσι τὸν νεκρόν, κατακεκηρωμένον μὲν τὸ σῶμα, τὴν δὲ νηδὺν ἀνασχισθεῖσαν καὶ καθαρθεῖσαν, πλέην κυπέρου κεκομμένου καὶ θυμιήματοσ καὶ σελίνου σπέρματοσ καὶ ἀννήσου, συνερραμμένην ὀπίσω, καὶ κομίζουσι ἐν ἁμάξῃ ἐσ ἄλλο ἔθνοσ. οἳ δὲ ἂν παραδέξωνται κομισθέντα τὸν νεκρόν, ποιεῦσι τά περ οἱ βασιλήιοι Σκύθαι·

τοῦ ὠτὸσ ἀποτάμνονται, τρίχασ περικείρονται, βραχίονασ περιτάμνονται, μέτωπον καὶ ῥῖνα καταμύσσονται, διὰ τῆσ ἀριστερῆσ χειρὸσ ὀιστοὺσ διαβυνέονται. ἐνθεῦτεν δὲ κομίζουσι ἐν τῇ ἀμάξῃ τοῦ βασιλέοσ τὸν νέκυν ἐσ ἄλλο ἔθνοσ τῶν ἄρχουσι·

οἳ δέ σφι ἕπονται ἐσ τοὺσ πρότερον ἦλθον. ἐπεὰν δὲ πάντασ περιέλθωσι τὸν νέκυν κομίζοντεσ, ἔν τε Γέρροισι ἔσχατα κατοικημένοισι εἰσὶ τῶν ἐθνέων τῶν ἄρχουσι καὶ ἐν τῇσι ταφῇσι. καὶ ἔπειτα, ἐπεὰν θέωσι τὸν νέκυν ἐν τῇσι θήκῃσι ἐπὶ στιβάδοσ, παραπήξαντεσ αἰχμὰσ ἔνθεν καὶ ἔνθεν τοῦ νεκροῦ ξύλα ὑπερτείνουσι καὶ ἔπειτα ῥιψὶ καταστεγάζουσι, ἐν δὲ τῇ λοιπῇ εὐρυχωρίῃ τῆσ θήκησ τῶν παλλακέων τε μίαν ἀποπνίξαντεσ θάπτουσι καὶ τὸν οἰνοχόον καὶ μάγειρον καὶ ἱπποκόμον καὶ διήκονον καὶ ἀγγελιηφόρον καὶ ἵππουσ καὶ τῶν ἄλλων πάντων ἀπαρχὰσ καὶ φιάλασ χρυσέασ·

ἀργύρῳ δὲ οὐδὲν οὐδὲ χαλκῷ χρέωνται. ταῦτα δὲ ποιήσαντεσ χοῦσι πάντεσ χῶμα μέγα, ἁμιλλώμενοι καὶ προθυμεόμενοι ὡσ μέγιστον ποιῆσαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 71

(헤로도토스, The Histories, book 4, chapter 71)

상위

목록

SEARCH

MENU NAVIGATION