호흡부호 보기
강세부호 보기
장단부호 보기
작은 Iota 보기
모든 부호 보기
μάντιεσ δὲ Σκυθέων εἰσὶ πολλοί, οἳ μαντεύονται ῥάβδοισι ἰτεί̈νῃσι πολλῇσι ὧδε· ἐπεὰν φακέλουσ ῥάβδων μεγάλουσ ἐνείκωνται, θέντεσ χαμαὶ διεξειλίσσουσι αὐτούσ, καὶ ἐπὶ μίαν ἑκάστην ῥάβδον τιθέντεσ θεσπίζουσι, ἅμα τε λέγοντεσ ταῦτα συνειλέουσι τὰσ ῥάβδουσ ὀπίσω καὶ αὖτισ κατὰ μίαν συντιθεῖσι. αὕτη μὲν σφι ἡ μαντικὴ πατρωίη ἐστί.
οἱ δὲ Ἐνάρεεσ οἱ ἀνδρόγυνοι τὴν Ἀφροδίτην σφίσι λέγουσι μαντικὴν δοῦναι· φιλύρησ δ’ ὧν φλοιῷ μαντεύονται· ἐπεὰν τὴν φιλύρην τρίχα σχίσῃ, διαπλέκων ἐν τοῖσι δακτύλοισι τοῖσι ἑωυτοῦ καὶ διαλύων χρᾷ.
호흡부호 보기
강세부호 보기
장단부호 보기
작은 Iota 보기
모든 부호 보기