헬라어 문장 검색 - ΗεροδόΤηεΗιστ́4́061́

(헤로도토스, The Histories, book 4, chapter 61)

τῆσ δὲ γῆσ τῆσ Σκυθικῆσ αἰνῶσ ἀξύλου ἐούσησ ὧδε σφι ἐσ τὴν ἕψησιν τῶν κρεῶν ἐξεύρηται· ἐπειδὰν ἀποδείρωσι τὰ ἱρήια, γυμνοῦσι τὰ ὀστέα τῶν κρεῶν, ἔπειτα ἐσβάλλουσι, ἢν μὲν τύχωσι ἔχοντεσ, ἐσ λέβητασ ἐπιχωρίουσ, μάλιστα Λεσβίοισι κρητῆρσι προσεικέλουσ, χωρὶσ ἢ ὅτι πολλῷ μέζονασ· ἐσ τούτουσ ἐσβάλλοντεσ ἕψουσι ὑποκαίοντεσ τὰ ὀστέα τῶν ἱρηίων. ἢν δὲ μή σφι παρῇ, ὁ λέβησ, οἳ δὲ ἐσ τὰσ γαστέρασ τῶν ἱρηίων ἐσβάλλοντεσ τὰ κρέα πάντα καὶ παραμίξαντεσ ὕδωρ ὑποκαίουσι τὰ ὀστέα· τὰ δὲ αἴθεται κάλλιστα, αἱ δὲ γαστέρεσ χωρέουσι εὐπετέωσ τὰ κρέα ἐψιλωμένα τῶν ὀστέων·

καὶ οὕτω βοῦσ τε ἑωυτὸν ἐξέψει καὶ τἆλλα ἱρήια ἑωυτὸ ἕκαστον. ἐπεὰν δὲ ἑψηθῇ τὰ κρέα, ὁ θύσασ τῶν κρεῶν καὶ τῶν σπλάγχνων ἀπαρξάμενοσ ῥίπτει ἐσ τὸ ἔμπροσθε. θύουσι δὲ καὶ τὰ ἄλλα πρόβατα καὶ ἵππουσ μάλιστα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 61

(헤로도토스, The Histories, book 4, chapter 61)

상위

목록

SEARCH

MENU NAVIGATION