헬라어 문장 검색 - ΗεροδόΤηεΗιστ́4́009́

(헤로도토스, The Histories, book 4, chapter 9)

ὥσ δ’ ἐγερθῆναι τὸν Ἡρακλέα, δίζησθαι, πάντα δὲ τῆσ χώρησ ἐπεξελθόντα τέλοσ ἀπικέσθαι ἐσ τὴν Ὑλαίην καλεομένην γῆν· ἐνθαῦτα δὲ αὐτὸν εὑρεῖν ἐν ἄντρῳ μιξοπάρθενον τινά, ἔχιδναν διφυέα, τῆσ τὰ μὲν ἄνω ἀπὸ τῶν γλουτῶν εἶναι γυναικόσ, τὰ δὲ ἔνερθε ὄφιοσ. ἰδόντα δὲ καὶ θωμάσαντα ἐπειρέσθαι μιν εἴ κου ἴδοι ἵππουσ πλανωμένασ·

τὴν δὲ φάναι ἑωυτήν ἔχειν καὶ οὐκ ἀποδώσειν ἐκείνῳ πρὶν ἢ οἱ μιχθῇ· τό δὲ Ἡρακλέα μιχθῆναι ἐπὶ τῷ μισθῷ τούτῳ. κείνην τε δὴ ὑπερβάλλεσθαι τὴν ἀπόδοσιν τῶν ἵππων, βουλομένην ὡσ πλεῖστον χρόνον συνεῖναι τῷ Ἡρακλεῖ, καὶ τὸν κομισάμενον ἐθέλειν ἀπαλλάσσεσθαι·

τέλοσ δὲ ἀποδιδοῦσαν αὐτὴν εἰπεῖν Ἵππουσ μὲν δὴ ταύτασ ἀπικομένασ ἐνθάδε ἔσωσα τοὶ ἐγώ, σῶστρά τε σὺ παρέσχεσ· ἐγὼ γὰρ ἐκ σεῦ τρεῖσ παῖδασ ἔχω. τούτουσ, ἐπεὰν γένωνται τρόφιεσ, ὃ τι χρὴ ποιέειν, ἐξηγέο σύ, εἴτε αὐτοῦ κατοικίζω χώρησ γὰρ τῆσδε ἔχω τὸ κράτοσ αὕτη εἴτε ἀποπέμπω παρὰ σέ.

" τὴν μὲν δὴ ταῦτα ἐπειρωτᾶν, τὸν δὲ λέγουσι πρὸσ ταῦτα εἰπεῖν "ἐπεὰν ἀνδρωθέντασ ἴδῃ τοὺσ παῖδασ, τάδε ποιεῦσα οὐκ ἂν ἁμαρτάνοισ· τὸν μὲν ἂν ὁρᾷσ αὐτῶν τόδε τὸ τόξον ὧδε διατεινόμενον καὶ τῳ ζωστῆρι τῷδε κατὰ τάδε ζωννύμενον, τοῦτον μὲν τῆσδε τῆσ χώρησ οἰκήτορα ποιεῦ·

ὃσ δ’ ἂν τούτων τῶν ἔργων τῶν ἐντέλλομαι λείπηται, ἔκπεμπε ἐκ τῆσ χώρησ. καὶ ταῦτα ποιεῦσα αὐτή τε εὐφρανέαι καὶ τὰ ἐντεταλμένα ποιήσεισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 9

(헤로도토스, The Histories, book 4, chapter 9)

상위

목록

SEARCH

MENU NAVIGATION