헬라어 문장 검색 - ΗεροδόΤηεΗιστ́4́005́

(헤로도토스, The Histories, book 4, chapter 5)

ὣσ δὲ Σκύθαι λέγουσι, νεώτατον πάντων ἐθνέων εἶναι τὸ σφέτερον, τοῦτο δὲ γενέσθαι ὧδε. ἄνδρα γενέσθαι πρῶτον ἐν τῇ γῆ ταύτῃ ἐούσῃ ἐρήμῳ τῳ οὔνομα εἶναι Ταργιτάον· τοῦ δὲ Ταργιτάου τούτου τοὺσ τοκέασ λέγουσι εἶναι, ἐμοὶ μὲν οὐ πιστὰ λέγοντεσ, λέγουσι δ’ ὦν, Δία τε καὶ Βορυσθένεοσ τοῦ ποταμοῦ θυγατέρα. γένεοσ μὲν τοιούτου δὴ τινοσ γενέσθαι τὸν Ταργιτάον, τούτου δὲ γενέσθαι παῖδασ τρεῖσ, Λιπόξαϊν καὶ Ἀρπόξαϊν καὶ νεώτατον Κολάξαιν.

ἐπὶ τούτων ἀρχόντων ἐκ τοῦ οὐρανοῦ φερομένα χρύσεα ποιήματα, ἄροτρόν τε καὶ ζυγόν καὶ σάγαριν καὶ φιάλην, πεσεῖν ἐσ τὴν Σκυθικήν·

καὶ τῶν ἰδόντα πρῶτον τὸν πρεσβύτατον ἆσσον ἰέναι βουλόμενον αὐτὰ λαβεῖν, τὸν δὲ χρυσόν ἐπιόντοσ καίεσθαι. ἀπαλλαχθέντοσ δὲ τούτου προσιέναι τὸν δεύτερον, καὶ τὸν αὖτισ ταὐτὰ ποιέειν.

τοὺσ μὲν δὴ καιόμενον τὸν χρυσὸν ἀπώσασθαι, τρίτῳ δὲ τῷ νεωτάτῳ ἐπελθόντι κατασβῆναι, καὶ μιν ἐκεῖνον κομίσαι ἐσ ἑωυτοῦ· καὶ τοὺσ πρεσβυτέρουσ ἀδελφεοὺσ πρὸσ ταῦτα συγγνόντασ τὴν βασιληίην πᾶσαν παραδοῦναι τῷ νεωτάτῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 5

(헤로도토스, The Histories, book 4, chapter 5)

상위

목록

SEARCH

MENU NAVIGATION