호흡부호 보기
강세부호 보기
장단부호 보기
작은 Iota 보기
모든 부호 보기
τέλοσ δὲ θεωρῶν τοὺσ ὑπολοίπουσ φίλουσ μέλλοντασ αὐτῷ τὰσ χεῖρασ προσφέρειν, φθάσασ αὐτοὺσ καὶ νυκτὸσ διαδρὰσ ἀφίππευσεν εἰσ τὰσ Συρακούσασ. ἔτι δὲ νυκτὸσ οὔσησ παρῆλθεν εἰσ τὴν ἀγορὰν τῶν Συρακοσίων, καὶ καθίσασ ἐπὶ τῶν βωμῶν ἱκέτησ ἐγένετο τῆσ πόλεωσ, καὶ ἑαυτόν τε καὶ τὴν χώραν ἧσ ἦν κύριοσ παρέδωκε τοῖσ Συρακοσίοισ. τοῦ δὲ πλήθουσ διὰ τὸ παράδοξον συρρέοντοσ εἰσ τὴν ἀγοράν, οἱ μὲν ἄρχοντεσ συνήγαγον ἐκκλησίαν καὶ προέθηκαν βουλὴν περὶ τοῦ Δουκετίου τί χρὴ πράττειν.
ἔνιοι μὲν οὖν τῶν δημηγορεῖν εἰωθότων συνεβούλευον κολάζειν ὡσ πολέμιον καὶ περὶ τῶν ἡμαρτημένων τὴν προσήκουσαν ἐπιθεῖναι τιμωρίαν·
οἱ δὲ χαριέστατοι τῶν πρεσβυτέρων παριόντεσ ἀπεφαίνοντο σώζειν τὸν ἱκέτην, καὶ τὴν τύχην καὶ τὴν νέμεσιν τῶν θεῶν ἐντρέπεσθαι· δεῖν γὰρ σκοπεῖν οὐ τί παθεῖν ἄξιόσ ἐστι Δουκέτιοσ, ἀλλὰ τί πρέπει πρᾶξαι Συρακοσίοισ· ἀποκτεῖναι γὰρ τὸν πεπτωκότα τῇ τύχῃ μὴ προσῆκον, σώζειν δ’ ἅμα τὴν πρὸσ τοὺσ θεοὺσ εὐσέβειαν καὶ τὸν ἱκέτην ἄξιον εἶναι τῆσ τοῦ δήμου μεγαλοψυχίασ. ὁ δὲ δῆμοσ ὥσπερ τινὶ μιᾷ φωνῇ σώζειν πάντοθεν ἐβόα τὸν ἱκέτην.
Συρακόσιοι μὲν οὖν ἀπολύσαντεσ τῆσ τιμωρίασ τὸν Δουκέτιον ἐξέπεμψαν εἰσ τὴν Κόρινθον, καὶ ἐνταῦθα προστάξαντεσ καταβιοῦν τὴν ἱκανὴν αὐτῷ χορηγίαν συναπέστειλαν. ἡμεῖσ δὲ παρόντεσ ἐπὶ τὸν προηγούμενον ἐνιαυτὸν τῆσ Ἀθηναίων στρατείασ ἐπὶ Κύπρον Κίμωνοσ ἡγουμένου, κατὰ τὴν ἐν ἀρχῇ πρόθεσιν αὐτοῦ περιγράφομεν τήνδε τὴν βίβλον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기