헬라어 문장 검색 - Διοδορ́Λιβραρψ́4́37́

(디오도로스 시켈로스, Library, book xi, chapter 58)

Θεμιστοκλῆσ μὲν οὖν ἀπολυθεὶσ τοῦ παρ’ Ἕλλησι φόβου, καὶ παραδόξωσ ὑπὸ μὲν τῶν τὰ μέγιστα εὐεργετηθέντων φυγαδευθείσ, ὑπὸ δὲ τῶν τὰ δεινότατα παθόντων εὐεργετηθείσ, ἐν ταύταισ ταῖσ πόλεσι κατεβίωσε πάντων τῶν πρὸσ ἀπόλαυσιν ἀγαθῶν εὐπορούμενοσ, καὶ τελευτήσασ ἐν τῇ Μαγνησίᾳ ταφῆσ ἔτυχεν ἀξιολόγου καὶ μνημείου τοῦ ἔτι νῦν διαμένοντοσ. ἔνιοι δὲ τῶν συγγραφέων φασὶ τὸν Ξέρξην ἐπιθυμήσαντα πάλιν στρατεύειν ἐπὶ τὴν Ἑλλάδα παρακαλεῖν τὸν Θεμιστοκλέα στρατηγεῖν ἐπὶ τοῦ πολέμου, τὸν δὲ συγχωρήσαντα περὶ τούτων πίστεισ λαβεῖν ἐνόρκουσ μὴ στρατεύσειν ἐπὶ τοὺσ Ἕλληνασ ἄνευ Θεμιστοκλέουσ.

σφαγιασθέντοσ δὲ ταύρου καὶ τῶν ὁρ́κων γενομένων, τὸν Θεμιστοκλέα κύλικα τοῦ αἵματοσ πληρώσαντα ἐκπιεῖν καὶ παραχρῆμα τελευτῆσαι.

καὶ τὸν μὲν Ξέρξην ἀποστῆναι τῆσ ἐπιβολῆσ ταύτησ, τὸν δὲ Θεμιστοκλέα διὰ τῆσ ἰδίασ τελευτῆσ ἀπολογίαν ἀπολιπεῖν καλλίστην ὅτι καλῶσ ἐπολιτεύθη τὰ πρὸσ τοὺσ Ἕλληνασ. ἡμεῖσ δὲ πάρεσμεν ἐπὶ τὴν τελευτὴν ἀνδρὸσ μεγίστου τῶν Ἑλλήνων, περὶ οὗ πολλοὶ διαμφισβητοῦσι, πότερον οὗτοσ ἀδικήσασ τὴν πατρίδα καὶ τοὺσ ἄλλουσ Ἕλληνασ ἔφυγεν εἰσ Πέρσασ, ἢ τοὐναντίον ἥ τε πόλισ καὶ πάντεσ οἱ Ἕλληνεσ εὐεργετηθέντεσ μεγάλα τῆσ μὲν χάριτοσ ἐπελάθοντο, τὸν δ’ εὐεργέτην ἤγαγον αὐτὸν ἀδίκωσ εἰσ τοὺσ ἐσχάτουσ κινδύνουσ.

εἰ δέ τισ χωρὶσ φθόνου τήν τε φύσιν τἀνδρὸσ καὶ τὰσ πράξεισ ἐξετάζοι μετ’ ἀκριβείασ, εὑρήσει πάντων ὧν μνημονεύομεν ἀμφοτέροισ τοῖσ εἰρημένοισ πεπρωτευκότα.

διὸ καὶ θαυμάσειεν ἄν τισ εἰκότωσ, εἰ στερῆσαι σφᾶσ αὐτοὺσ ἀνδρὸσ τοιούτου τὴν φύσιν ἠθέλησαν. τίσ γὰρ ἕτεροσ, τῆσ Σπάρτησ πλέον ἰσχυούσησ καὶ τοῦ ναυτικοῦ τὴν ἡγεμονίαν ἔχοντοσ Εὐρυβιάδου τοῦ Σπαρτιάτου, ταῖσ ἰδίαισ πράξεσιν ἀφείλετ’ ἂν τῆσ Σπάρτησ ταύτην τὴν δόξαν;

τίνα δ’ ἄλλον ἱστορήκαμεν μιᾷ πράξει ποιήσαντα διενεγκεῖν αὑτὸν μὲν τῶν ἡγεμόνων, τὴν δὲ πόλιν τῶν Ἑλληνίδων πόλεων, τοὺσ δ’ Ἕλληνασ τῶν βαρβάρων; ἐπὶ τίνοσ δὲ στρατηγοῦντοσ ἐλάττονασ ἀφορμὰσ ἢ μείζονασ κινδύνουσ συνέβη γενέσθαι; τίσ δὲ πρὸσ ἅπασαν τὴν ἐκ τῆσ Ἀσίασ δύναμιν ἀναστάτῳ τῇ πόλει παραταχθεὶσ ἐνίκησε;

τίσ δὲ τοῖσ ἔργοισ ἐν εἰρήνῃ τὴν πατρίδα δυνατὴν κατεσκεύασε τοιούτοισ; τίσ δὲ πολέμου μεγίστου κατασχόντοσ αὐτὴν διέσωσε, μιᾷ δ’ ἐπινοίᾳ τῇ περὶ τοῦ ζεύγματοσ γενομένῃ τὴν πεζὴν τῶν πολεμίων δύναμιν ἐξ ἡμίσουσ μέρουσ ἐταπείνωσεν, ὥστ’ εὐχείρωτον γενέσθαι τοῖσ Ἕλλησι; διόπερ ὅταν τὸ μέγεθοσ τῶν ἔργων αὐτοῦ θεωρήσωμεν, καὶ σκοποῦντεσ τὰ κατὰ μέροσ εὑρ́ωμεν ἐκεῖνον μὲν ὑπὸ τῆσ πόλεωσ ἠτιμασμένον, τὴν δὲ πόλιν διὰ τὰσ ἐκείνου πράξεισ ἐπαιρομένην, εἰκότωσ τὴν δοκοῦσαν εἶναι τῶν ἁπασῶν πόλεων σοφωτάτην καὶ ἐπιεικεστάτην χαλεπωτάτην πρὸσ ἐκεῖνον εὑρίσκομεν γεγενημένην.

περὶ μὲν οὖν τῆσ Θεμιστοκλέουσ ἀρετῆσ εἰ καὶ πεπλεονάκαμεν παρεκβάντεσ, ἀλλ’ οὖν οὐκ ἄξιον ἐκρίναμεν τὴν ἀρετὴν αὐτοῦ παραλιπεῖν ἀνεπισήμαντον·

ἅμα δὲ τούτοισ πραττομένοισ κατὰ τὴν Ἰταλίαν Μίκυθοσ ὁ τὴν δυναστείαν ἔχων Ῥηγίου καὶ Ζάγκλησ πόλιν ἔκτισε Πυξοῦντα. ἐπ’ ἄρχοντοσ δ’ Ἀθήνησι Δημοτίωνοσ Ῥωμαῖοι μὲν ὑπάτουσ κατέστησαν Πούπλιον Οὐαλέριον Ποπλικόλαν καὶ Γάιον Ναύτιον Ῥοῦφον.

ἐπὶ δὲ τούτων Ἀθηναῖοι στρατηγὸν ἑλόμενοι Κίμωνα τὸν Μιλτιάδου καὶ δύναμιν ἀξιόλογον παραδόντεσ, ἐξέπεμψαν ἐπὶ τὴν παράλιον τῆσ Ἀσίασ βοηθήσοντα μὲν ταῖσ συμμαχούσαισ πόλεσιν, ἐλευθερώσοντα δὲ τὰσ Περσικαῖσ ἔτι φρουραῖσ κατεχομένασ. οὗτοσ δὲ παραλαβὼν τὸν στόλον ἐν Βυζαντίῳ, καὶ καταπλεύσασ ἐπὶ πόλιν τὴν ὀνομαζομένην Ηιὄνα, ταύτην μὲν Περσῶν κατεχόντων ἐχειρώσατο, Σκῦρον δὲ Πελασγῶν ἐνοικούντων καὶ Δολόπων ἐξεπολιόρκησε, καὶ κτίστην Ἀθηναῖον καταστήσασ κατεκληρούχησε τὴν χώραν.

μετὰ δὲ ταῦτα μειζόνων πράξεων ἄρξασθαι διανοούμενοσ, κατέπλευσεν εἰσ τὸν Πειραιᾶ, καὶ προσλαβόμενοσ πλείουσ τριήρεισ καὶ τὴν ἄλλην χορηγίαν ἀξιόλογον παρασκευασάμενοσ, τότε μὲν ἐξέπλευσεν ἔχων τριήρεισ διακοσίασ, ὕστερον δὲ μεταπεμψάμενοσ παρὰ τῶν Ιὤνων καὶ τῶν ἄλλων ἁπάντων τὰσ ἁπάσασ εἶχε τριακοσίασ.

πλεύσασ οὖν μετὰ παντὸσ τοῦ στόλου πρὸσ τὴν Καρίαν, τῶν παραθαλαττίων πόλεων ὅσαι μὲν ἦσαν ἐκ τῆσ Ἑλλάδοσ ἀπῳκισμέναι, ταύτασ παραχρῆμα συνέπεισεν ἀποστῆναι τῶν Περσῶν, ὅσαι δ’ ὑπῆρχον δίγλωττοι καὶ φρουρὰσ ἔχουσαι Περσικάσ, βίαν προσάγων ἐπολιόρκει.

προσαγαγόμενοσ δὲ τὰσ κατὰ τὴν Καρίαν πόλεισ, ὁμοίωσ καὶ τὰσ ἐν τῇ Λυκίᾳ πείσασ προσελάβετο. παρὰ δὲ τῶν ἀεὶ προστιθεμένων συμμάχων προσλαβόμενοσ ναῦσ ἐπὶ πλέον ηὔξησε τὸν στόλον.

οἱ δὲ Πέρσαι τὸ μὲν πεζὸν στράτευμα δι’ ἑαυτῶν κατεσκεύασαν, τὸ δὲ ναυτικὸν ἤθροισαν ἔκ τε Φοινίκησ καὶ Κύπρου καὶ Κιλικίασ· ἐστρατήγει δὲ τῶν Περσικῶν δυνάμεων Τιθραύστησ, υἱὸσ ὢν Ξέρξου νόθοσ. Κίμων δὲ πυνθανόμενοσ τὸν στόλον τῶν Περσῶν διατρίβειν περὶ τὴν Κύπρον, καὶ πλεύσασ ἐπὶ τοὺσ βαρβάρουσ, ἐναυμάχησε διακοσίαισ καὶ πεντήκοντα ναυσὶ πρὸσ τριακοσίασ καὶ τετταράκοντα.

γενομένου δ’ ἀγῶνοσ ἰσχυροῦ καὶ τῶν στόλων ἀμφοτέρων λαμπρῶσ ἀγωνιζομένων, τὸ τελευταῖον ἐνίκων οἱ Ἀθηναῖοι, καὶ πολλὰσ μὲν τῶν ἐναντίων ναῦσ διέφθειραν, πλείουσ δὲ τῶν ἑκατὸν σὺν αὐτοῖσ τοῖσ ἀνδράσιν εἷλον. τῶν δὲ λοιπῶν νεῶν καταφυγουσῶν εἰσ τὴν Κύπρον,οἱ μὲν ἐν αὐταῖσ ἄνδρεσ εἰσ τὴν γῆν ἀπεχώρησαν, αἱ δὲ νῆεσ κεναὶ τῶν βοηθούντων οὖσαι τοῖσ πολεμίοισ ἐγενήθησαν ὑποχείριοι.

μετὰ δὲ ταῦτα ὁ μὲν Κίμων οὐκ ἀρκεσθεὶσ τηλικαύτῃ νίκῃ παραχρῆμα παντὶ τῷ στόλῳ προσκατῆρεν ἐπὶ τὸ πεζὸν τῶν Περσῶν στρατόπεδον, οὔσησ τῆσ παρεμβολῆσ παρὰ τὸν Εὐρυμέδοντα ποταμόν.

βουλόμενοσ δὲ καταστρατηγῆσαι τοὺσ βαρβάρουσ, ἐνεβίβασεν εἰσ τὰσ αἰχμαλωτίδασ ναῦσ τῶν ἰδίων τοὺσ ἀρίστουσ, δοὺσ τιάρασ καὶ τὴν ἄλλην κατασκευὴν περιθεὶσ Περσικήν. οἱ δὲ βάρβαροι προσπλέοντοσ ἄρτι τοῦ στόλου ταῖσ Περσικαῖσ ναυσὶ καὶ παρασκευαῖσ ψευσθέντεσ ὑπέλαβον τὰσ ἰδίασ τριήρεισ εἶναι.

διόπερ οὗτοι μὲν προσεδέξαντο τοὺσ Ἀθηναίουσ ὡσ φίλουσ ὄντασ, ὁ δὲ Κίμων ἤδη νυκτὸσ ἐπιγενομένησ ἐκβιβάσασ τοὺσ στρατιώτασ, καὶ προσδεχθεὶσ ὡσ φίλοσ ὑπ’ αὐτῶν, εἰσέπεσεν εἰσ τὴν στρατοπεδείαν τῶν βαρβάρων. ταραχῆσ δὲ μεγάλησ γενομένησ παρὰ τοῖσ Πέρσαισ, οἱ μὲν περὶ τὸν Κίμωνα πάντασ τοὺσ ἐντυγχάνοντασ ἔκτειναν, καὶ τὸν μὲν στρατηγὸν τῶν βαρβάρων τὸν ἕτερον Φερενδάτην, ἀδελφιδοῦν τοῦ βασιλέωσ, ἐν τῇ σκηνῇ καταλαβόντεσ ἐφόνευσαν, τῶν δ’ ἄλλων οὓσ μὲν ἔκτεινον, οὓσ δὲ κατετραυμάτιζον, πάντασ δὲ διὰ τὸ παράδοξον τῆσ ἐπιθέσεωσ φεύγειν ἠνάγκασαν, καθόλου δ’ ἔκπληξισ ἅμα καὶ ἄγνοια τοιαύτη κατεῖχε τοὺσ Πέρσασ, ὥσθ’ οἱ πλείουσ τοὺσ ἐπιτιθεμένουσ αὐτοῖσ οἵτινεσ ἦσαν οὐκ ἐγίνωσκον.

τοὺσ μὲν γὰρ Ἕλληνασ οὐχ ὑπελάμβανον ἥκειν πρὸσ αὐτοὺσ μετὰ δυνάμεωσ, τὸ σύνολον μηδ’ ἔχειν αὐτοὺσ πεζὴν στρατιὰν πεπεισμένοι·

τοὺσ δὲ Πισίδασ, ὄντασ ὁμόρουσ καὶ τὰ πρὸσ αὐτοὺσ ἀλλοτρίωσ ἔχοντασ, ὑπελάμβανον ἥκειν μετὰ δυνάμεωσ. διὸ καὶ νομίσαντεσ ἀπὸ τῆσ ἠπείρου τὴν ἐπιφορὰν εἶναι τῶν πολεμίων, πρὸσ τὰσ ναῦσ ὡσ πρὸσ φιλίασ ἔφευγον. τῆσ δὲ νυκτὸσ οὔσησ ἀσελήνου καὶ σκοτεινῆσ συνέβαινε τὴν ἄγνοιαν πολὺ μᾶλλον αὔξεσθαι καὶ μηδένα τἀληθὲσ δύνασθαι ἰδεῖν.

διὸ καὶ πολλοῦ φόνου γενομένου διὰ τὴν ἀταξίαν τῶν βαρβάρων, ὁ μὲν Κίμων προειρηκὼσ τοῖσ στρατιώταισ πρὸσ τὸν ἀρθησόμενον πυρσὸν συντρέχειν, ἦρε πρὸσ ταῖσ ναυσὶ σύσσημον, εὐλαβούμενοσ μὴ διεσπαρμένων τῶν στρατιωτῶν καὶ πρὸσ ἁρπαγὴν ὁρμησάντων γένηταί τι παράλογον.

πάντων δὲ πρὸσ τὸν πυρσὸν ἀθροισθέντων καὶ παυσαμένων τῆσ ἁρπαγῆσ, τότε μὲν εἰσ τὰσ ναῦσ ἀπεχώρησαν, τῇ δ’ ὑστεραίᾳ τρόπαιον στήσαντεσ ἀπέπλευσαν εἰσ τὴν Κύπρον, νενικηκότεσ δύο καλλίστασ νίκασ, τὴν μὲν κατὰ γῆν, τὴν δὲ κατὰ θάλατταν·

οὐδέπω γὰρ μνημονεύονται τοιαῦται καὶ τηλικαῦται πράξεισ γενέσθαι κατὰ τὴν αὐτὴν ἡμέραν καὶ ναυτικῷ καὶ πεζῷ στρατοπέδῳ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 58

(디오도로스 시켈로스, Library, book xi, chapter 58)

상위

목록

SEARCH

MENU NAVIGATION