헬라어 문장 검색 - Διοδορ́Λιβραρψ́4́20́

(디오도로스 시켈로스, Library, book xi, chapter 32)

τοῦτον δὲ τὸν τρόπον ἐν τῇ φυγῇ τῶν βαρβάρων σχισθέντων, ὁμοίωσ καὶ τὸ τῶν Ἑλλήνων πλῆθοσ διεμερίσθη· Ἀθηναῖοι μὲν γὰρ καὶ Πλαταιεῖσ καὶ Θεσπιεῖσ τοὺσ ἐπὶ Θηβῶν ὁρμήσαντασ ἐδίωξαν, Κορίνθιοι δὲ καὶ Σικυώνιοι καὶ Φλιάσιοι καί τινεσ ἕτεροι τοῖσ μετὰ Ἀρταβάζου φεύγουσιν ἐπηκολούθησαν, Λακεδαιμόνιοι δὲ μετὰ τῶν λοιπῶν τοὺσ εἰσ τὸ ξύλινον τεῖχοσ καταφυγόντασ διώξαντεσ ἐπόρθησαν προθύμωσ. οἱ δὲ Θηβαῖοι δεξάμενοι τοὺσ φεύγοντασ καὶ προσαναλαβόντεσ ἐπέθεντο τοῖσ διώκουσιν Ἀθηναίοισ·

γενομένησ δὲ πρὸ τῶν τειχῶν καρτερᾶσ μάχησ, καὶ τῶν Θηβαίων λαμπρῶσ ἀγωνισαμένων, ἔπεσον μὲν οὐκ ὀλίγοι παρ’ ἀμφοτέροισ, τὸ δὲ τελευταῖον βιασθέντεσ ὑπὸ τῶν Ἀθηναίων, συνέφυγον πάλιν εἰσ τὰσ Θήβασ. μετὰ δὲ ταῦτα οἱ μὲν Ἀθηναῖοι πρὸσ τοὺσ Λακεδαιμονίουσ ἀποχωρήσαντεσ, μετὰ τούτων ἐτειχομάχουν πρὸσ τοὺσ καταφυγόντασ εἰσ τὴν παρεμβολὴν τῶν Περσῶν·

μεγάλου δὲ ἀγῶνοσ ἐξ ἀμφοτέρων γενομένου, καὶ τῶν μὲν βαρβάρων ἐκ τόπων ὠχυρωμένων καλῶσ ἀγωνισαμένων, τῶν δ’ Ἑλλήνων βίαν προσαγόντων τοῖσ ξυλίνοισ τείχεσι, πολλοὶ μὲν παραβόλωσ ἀγωνιζόμενοι κατετιτρώσκοντο, οὐκ ὀλίγοι δὲ καὶ τῷ πλήθει τῶν βελῶν διαφθειρόμενοι τὸν θάνατον εὐψύχωσ ὑπέμενον. οὐ μήν γε τὴν ὁρμὴν καὶ βίαν τῶν Ἑλλήνων ἔστεγεν οὔτε τὸ κατεσκευασμένον τεῖχοσ οὔτε τὸ πλῆθοσ τῶν βαρβάρων, ἀλλ’ ἅπαν τὸ ἀντιτεταγμένον ὑπείκειν ἠναγκάζετο·

ἡμιλλῶντο γὰρ πρὸσ ἀλλήλουσ οἱ τῆσ Ἑλλάδοσ ἡγούμενοι Λακεδαιμόνιοι καὶ Ἀθηναῖοι, μεμετεωρισμένοι μὲν ταῖσ προγεγενημέναισ νίκαισ, πεποιθότεσ δὲ ταῖσ ἑαυτῶν ἀρεταῖσ. τέλοσ δὲ κατὰ κράτοσ ἁλόντεσ οἱ βάρβαροι, δεόμενοι ζωγρεῖν οὐδενὸσ ἐτύγχανον ἐλέου.

ὁ γὰρ στρατηγὸσ τῶν Ἑλλήνων Παυσανίασ ὁρῶν τοῖσ πλήθεσιν ὑπερέχοντασ τοὺσ βαρβάρουσ, εὐλαβεῖτο μή τι παράλογον γένηται, πολλαπλασίων ὄντων τῶν βαρβάρων· διὸ καὶ παραγγείλαντοσ αὐτοῦ μηδένα ζωγρεῖν, ταχὺ πλῆθοσ ἄπιστον νεκρῶν ἐγένετο. τέλοσ δὲ οἱ Ἕλληνεσ ὑπὲρ τὰσ δέκα μυριάδασ τῶν βαρβάρων κατακόψαντεσ μόγισ ἐπαύσαντο τοῦ κτείνειν τοὺσ πολεμίουσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 32

(디오도로스 시켈로스, Library, book xi, chapter 32)

상위

목록

SEARCH

MENU NAVIGATION