헬라어 문장 검색 - Διοδορ́Λιβραρψ́4́15́

(디오도로스 시켈로스, Library, book xi, chapter 24)

συνέβη γὰρ τῇ αὐτῇ ἡμέρᾳ τὸν Γέλωνα νικῆσαι καὶ τοὺσ περὶ Θερμοπύλασ μετὰ Λεωνίδου διαγωνίσασθαι πρὸσ Ξέρξην, ὥσπερ ἐπίτηδεσ τοῦ δαιμονίου περὶ τὸν αὐτὸν καιρὸν ποιήσαντοσ γενέσθαι τήν τε καλλίστην νίκην καὶ τὴν ἐνδοξοτάτην ἧτταν. μετὰ δὲ τὴν γενομένην μάχην πρὸσ τῇ πόλει τῶν Ἱμεραίων εἴκοσι νῆεσ μακραὶ διέφυγον τὸν κίνδυνον, ἃσ Ἀμίλκασ οὐκ ἐνεώλκησε πρὸσ τὰσ ἀναγκαίασ χρείασ.

διὸ καὶ τῶν ἀνδρῶν σχεδὸν ἁπάντων τῶν μὲν ἀνῃρημένων, τῶν δὲ ἐζωγρημένων, ἔφθασαν αὗται τὸν ἀπόπλουν ποιησάμεναι. πολλοὺσ δὲ τῶν φευγόντων ἀναλαβοῦσαι, καὶ διὰ τοῦτο κατάγομοι γενόμεναι, περιέπεσον χειμῶνι καὶ πᾶσαι διεφθάρησαν· ὀλίγοι δέ τινεσ ἐν μικρῷ σκάφει διασωθέντεσ εἰσ Καρχηδόνα διεσάφησαν τοῖσ πολίταισ, σύντομον ποιησάμενοι τὴν ἀπόφασιν, ὅτι πάντεσ οἱ διαβάντεσ εἰσ τὴν Σικελίαν ἀπολώλασιν. οἱ δὲ Καρχηδόνιοι παρ’ ἐλπίδασ μεγάλῃ συμφορᾷ περιπεσόντεσ ἐπὶ τοσοῦτο κατεπλάγησαν, ὥστε τὰσ νύκτασ ἅπαντασ διαγρυπνεῖν φυλάττοντασ τὴν πόλιν, ὡσ τοῦ Γέλωνοσ πάσῃ τῇ δυνάμει παραχρῆμα διεγνωκότοσ πλεῖν ἐπὶ τὴν Καρχηδόνα.

διὰ δὲ τὸ πλῆθοσ τῶν ἀπολωλότων ἥ τε πόλισ ἐπένθησε κοινῇ καὶ κατ’ ἰδίαν αἱ τῶν ἰδιωτῶν οἰκίαι κλαυθμοῦ καὶ πένθουσ ἐπληροῦντο.

οἱ μὲν γὰρ υἱούσ, οἱ δὲ ἀδελφοὺσ ἐπεζήτουν, πλεῖστοι δὲ παῖδεσ ὀρφανοὶ πατέρων γεγονότεσ ἔρημοι ὠδύροντο τόν τε τῶν γεγεννηκότων θάνατον καὶ τὴν ἰδίαν ἐρημίαν τῶν βοηθούντων. οἱ δὲ Καρχηδόνιοι φοβούμενοι μὴ φθάσῃ διαβὰσ εἰσ Λιβύην Γέλων, εὐθὺσ ἐξέπεμψαν πρὸσ αὐτὸν πρεσβευτὰσ αὐτοκράτορασ τοὺσ δυνατωτάτουσ εἰπεῖν τε καὶ βουλεύσασθαι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 24

(디오도로스 시켈로스, Library, book xi, chapter 24)

상위

목록

SEARCH

MENU NAVIGATION