헬라어 문장 검색 - Διοδορ́Λιβραρψ́4́14́

(디오도로스 시켈로스, Library, book xi, chapter 23)

διὸ καὶ πολλοὶ τῶν συγγραφέων παραβάλλουσι ταύτην τὴν μάχην τῇ περὶ Πλαταιὰσ γενομένῃ τοῖσ Ἕλλησι καὶ στρατήγημα τὸ Γέλωνοσ τοῖσ ἐπινοήμασι τοῖσ Θεμιστοκλέουσ, καὶ τὸ πρωτεῖον διὰ τὰσ ἀμφοτέρων ὑπερβολὰσ τῆσ ἀρετῆσ οἱ μὲν τούτοισ, οἱ δὲ τοῖσ ἑτέροισ ἀπονέμουσι. καὶ γὰρ τῶν κατὰ τὴν Ἑλλάδα καὶ τῶν κατὰ τὴν Σικελίαν πρὸ τῆσ μάχησ καταπεπληγμένων τὸ πλῆθοσ τῶν βαρβαρικῶν δυνάμεων, οἱ κατὰ Σικελίαν πρότερον νικήσαντεσ ἐποίησαν τοὺσ κατὰ τὴν Ἑλλάδα θαρρῆσαι, πυθομένουσ τὴν τοῦ Γέλωνοσ νίκην·

καὶ τῶν τὴν ὅλην ἡγεμονίαν παρ’ ἀμφοτέροισ ἐσχηκότων παρὰ μὲν τοῖσ Πέρσαισ συνέβη διαπεφευγέναι τὸν βασιλέα καὶ πολλὰσ μυριάδασ μετ’ αὐτοῦ, παρὰ δὲ τοῖσ Καρχηδονίοισ μὴ μόνον ἀπολέσθαι τὸν στρατηγόν, ἀλλὰ καὶ τοὺσ μετασχόντασ τοῦ πολέμου κατακοπῆναι, καὶ τὸ δὴ λεγόμενον μηδὲ ἄγγελον εἰσ τὴν Καρχηδόνα διασωθῆναι. πρὸσ δὲ τούτοισ τοὺσ ἐπιφανεστάτουσ τῶν ἡγεμόνων παρὰ μὲν τοῖσ Ἕλλησι Παυσανίαν καὶ Θεμιστοκλέα, τὸν μὲν ὑπὸ τῶν ἰδίων πολιτῶν θανατωθῆναι διὰ πλεονεξίαν καὶ προδοσίαν, τὸν δ’ ἐξ ἁπάσησ τῆσ Ἑλλάδοσ ἐξελαθέντα καταφυγεῖν πρὸσ τὸν ἐχθρότατον Ξέρξην καὶ παρ’ ἐκείνῳ βιῶσαι μέχρι τῆσ τελευτῆσ, Γέλωνα δὲ μετὰ τὴν μάχην ἀεὶ καὶ μᾶλλον ἀποδοχῆσ τυγχάνοντα παρὰ τοῖσ Συρακοσίοισ ἐγγηρᾶσαι τῇ βασιλείᾳ καὶ τελευτῆσαι θαυμαζόμενον, καὶ τοσοῦτον ἰσχῦσαι τὴν πρὸσ αὐτὸν εὔνοιαν παρὰ τοῖσ πολίταισ, ὥστε καὶ τρισὶν ἐκ τῆσ οἰκίασ τῆσ ἐκείνου τὴν ἀρχὴν διαφυλαχθῆναι.

ἀλλὰ γὰρ τούτων οἱ δικαίαν δόξαν κεκτημένοι τοὺσ προσήκοντασ ἐπαίνουσ καὶ παρ’ ἡμῶν ἔχουσιν, ἐπὶ δὲ τὸ συνεχὲσ τοῖσ προειρημένοισ μεταβησόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 23

(디오도로스 시켈로스, Library, book xi, chapter 23)

상위

목록

SEARCH

MENU NAVIGATION