호흡부호 보기
강세부호 보기
장단부호 보기
작은 Iota 보기
모든 부호 보기
οἱ δ’ Ἕλληνεσ, προσγενομένων αὐτοῖσ τριήρων πεντήκοντα Ἀττικῶν, ἀντιπαρετάχθησαν τοῖσ βαρβάροισ. ἦν δ’ αὐτῶν ἡ ναυμαχία παραπλήσιοσ ταῖσ περὶ τὰσ Θερμοπύλασ μάχαισ· οἱ μὲν γὰρ Πέρσαι διεγνώκεσαν βιάσασθαι τοὺσ Ἕλληνασ καὶ τὸν Εὔριπον διεκπλεῦσαι, οἱ δ’ Ἕλληνεσ ἐμφράξαντεσ τὰ στενὰ προεμάχοντο τῶν ἐντὸσ τῆσ Εὐβοίασ συμμαχούντων. γενομένησ δὲ ναυμαχίασ ἰσχυρᾶσ πολλαὶ νῆεσ παρ’ ἀμφοτέρων διεφθάρησαν, καὶ νυκτὸσ ἐπιγενομένησ ἠναγκάσθησαν ἀνακάμπτειν ἐπὶ τοὺσ οἰκείουσ λιμένασ. ἀριστεῦσαι δὲ ἐν ἀμφοτέραισ ταῖσ ναυμαχίαισ φασὶ παρὰ μὲν τοῖσ Ἕλλησιν Ἀθηναίουσ, παρὰ δὲ τοῖσ βαρβάροισ Σιδωνίουσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기