헬라어 문장 검색 - Διοδορ́Λιβραρψ́4́02́

(디오도로스 시켈로스, Library, book xi, chapter 1)

ἡ μὲν οὖν πρὸ ταύτησ βίβλοσ, τῆσ ὅλησ συντάξεωσ οὖσα δεκάτη, τὸ τέλοσ ἔσχε τῶν πράξεων εἰσ τὸν προηγούμενον ἐνιαυτὸν τῆσ Ξέρξου διαβάσεωσ εἰσ τὴν Εὐρώπην καὶ εἰσ τὰσ γενομένασ δημηγορίασ ἐν τῇ κοινῇ συνόδῳ τῶν Ἑλλήνων ἐν Κορίνθῳ περὶ τῆσ Γέλωνοσ συμμαχίασ τοῖσ Ἕλλησιν· ἐν ταύτῃ δὲ τὸ συνεχὲσ τῆσ ἱστορίασ ἀναπληροῦντεσ ἀρξόμεθα μὲν ἀπὸ τῆσ Ξέρξου στρατείασ ἐπὶ τοὺσ Ἕλληνασ, καταλήξομεν δὲ ἐπὶ τὸν προηγούμενον ἐνιαυτὸν τῆσ Ἀθηναίων στρατείασ ἐπὶ Κύπρον ἡγουμένου Κίμωνοσ. ἐπ’ ἄρχοντοσ γὰρ Ἀθήνησι Καλλιάδου Ῥωμαῖοι κατέστησαν ὑπάτουσ Σπόριον Κάσσιον καὶ Πρόκλον Οὐεργίνιον Τρίκοστον, ἤχθη δὲ καὶ παρ’ Ἠλείοισ Ὀλυμπιὰσ πέμπτη πρὸσ ταῖσ ἑβδομήκοντα, καθ’ ἣν ἐνίκα στάδιον Ἀστύλοσ Συρακόσιοσ.

ἐπὶ δὲ τούτων Ξέρξησ ὁ βασιλεὺσ ἐστράτευσεν ἐπὶ τὴν Ἑλλάδα διὰ ταύτην τὴν αἰτίαν. Μαρδόνιοσ ὁ Πέρσησ ἀνεψιὸσ μὲν καὶ κηδεστὴσ ἦν Ξέρξου, διὰ δὲ σύνεσιν καὶ ἀνδρείαν μάλιστα θαυμαζόμενοσ παρὰ τοῖσ Πέρσαισ.

οὗτοσ μετέωροσ ὢν τῷ φρονήματι καὶ τὴν ἡλικίαν ἀκμάζων, ἐπεθύμει μεγάλων δυνάμεων ἀφηγήσασθαι· διόπερ ἔπεισε τὸν Ξέρξην καταδουλώσασθαι τοὺσ Ἕλληνασ, ἀεὶ πολεμικῶσ ἔχοντασ πρὸσ τοὺσ Πέρσασ. ὁ δὲ Ξέρξησ πεισθεὶσ αὐτῷ καὶ βουλόμενοσ πάντασ τοὺσ Ἕλληνασ ἀναστάτουσ ποιῆσαι, διεπρεσβεύσατο πρὸσ Καρχηδονίουσ περὶ κοινοπραγίασ καὶ συνέθετο πρὸσ αὐτούσ, ὥστε αὐτὸν μὲν ἐπὶ τοὺσ τὴν Ἑλλάδα κατοικοῦντασ Ἕλληνασ στρατεύειν, Καρχηδονίουσ δὲ τοῖσ αὐτοῖσ χρόνοισ μεγάλασ παρασκευάσασθαι δυνάμεισ καὶ καταπολεμῆσαι τῶν Ἑλλήνων τοὺσ περὶ Σικελίαν καὶ Ἰταλίαν οἰκοῦντασ.

ἀκολούθωσ οὖν ταῖσ συνθήκαισ Καρχηδόνιοι μὲν χρημάτων πλῆθοσ ἀθροίσαντεσ μισθοφόρουσ συνῆγον ἔκ τε τῆσ Ἰταλίασ καὶ Λιγυστικῆσ, ἔτι δὲ Γαλατίασ καὶ Ἰβηρίασ, πρὸσ δὲ τούτοισ ἐκ τῆσ Λιβύησ ἁπάσησ καὶ τῆσ Καρχηδόνοσ κατέγραφον πολιτικὰσ δυνάμεισ·

τέλοσ δὲ τριετῆ χρόνον περὶ τὰσ παρασκευὰσ ἀσχοληθέντεσ ἤθροισαν πεζῶν μὲν ὑπὲρ τὰσ τριάκοντα μυριάδασ, ναῦσ δὲ διακοσίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 1

(디오도로스 시켈로스, Library, book xi, chapter 1)

상위

목록

SEARCH

MENU NAVIGATION