헬라어 문장 검색 - ΗεροδόΤηεΗιστ́4́045́

(헤로도토스, The Histories, book 4, chapter 45)

ἡ δὲ Εὐρώπη πρὸσ οὐδαμῶν φανερή ἐστι γινωσκομένη, οὔτε τὰ πρὸσ ἥλιον ἀνατέλλοντα οὔτε τὰ πρὸσ βορέην, εἰ περίρρυτοσ ἐστί· μήκεϊ δὲ γινώσκεται παρ’ ἀμφοτέρασ παρήκουσα. οὐδ’ ἔχω συμβαλέσθαι ἐπ’ ὅτευ μιῇ ἐούσῃ γῇ οὐνόματα τριφάσια κέεται ἐπωνυμίασ ἔχοντα γυναικῶν, καὶ οὐρίσματα αὐτῇ Νεῖλόσ τε ὁ Αἰγύπτιοσ ποταμὸσ ἐτέθη καὶ Φᾶσισ ὁ Κόλχοσ οἳ δὲ Τάναιν ποταμὸν τὸν Μαιήτην καὶ πορθμήια τὰ Κιμμέρια λέγουσι, οὐδὲ τῶν διουρισάντων τὰ οὐνόματα πυθέσθαι, καὶ ὅθεν ἔθεντο τὰσ ἐπωνυμίασ.

ἤδη γὰρ Λιβύη μὲν ἐπὶ Λιβύησ λέγεται ὑπὸ τῶν πολλῶν Ἑλλήνων ἔχειν τὸ οὔνομα γυναικὸσ αὐτόχθονοσ, ἡ δὲ Ἀσίη ἐπὶ τῆσ Προμηθέοσ γυναικὸσ τὴν ἐπωνυμίην.

καὶ τούτου μὲν μεταλαμβάνονται τοῦ οὐνόματοσ Λυδοί, φάμενοι ἐπὶ Ἀσίεω τοῦ Κότυοσ τοῦ Μάνεω κεκλῆσθαι τὴν Ἀσίην, ἀλλ’ οὐκ ἐπὶ τῆσ Προμηθέοσ Ἀσίησ. ἀπ’ ὅτευ καὶ τὴν ἐν Σάρδισι φυλὴν κεκλῆσθαι Ἀσιάδα. ἡ δὲ δὴ Εὐρώπη οὔτε εἰ περίρρυτοσ ἐστὶ γινώσκεται πρὸσ οὐδαμῶν ἀνθρώπων, οὔτε ὁκόθεν τὸ οὔνομα ἔλαβε τοῦτο, οὔτε ὅστισ οἱ ἦν ὁ θέμενοσ φαίνεται, εἰ μὴ ἀπὸ τῆσ Τυρίησ φήσομεν Εὐρώπησ λαβεῖν τὸ οὔνομα τὴν χώρην·

πρότερον δὲ ἦν ἄρα ἀνώνυμοσ ὥσπερ αἱ ἕτεραι. ἀλλ’ αὕτη γε ἐκ τῆσ Ἀσίησ τε φαίνεται ἐοῦσα καὶ οὐκ ἀπικομένη ἐσ τὴν γῆν ταύτην ἥτισ νῦν ὑπὸ Ἑλλήνων Εὐρώπη καλέεται, ἀλλ’ ὅσον ἐκ Φοινίκησ ἐσ Κρήτην, ἐκ Κρήτησ δὲ ἐσ Λυκίην.

ταῦτα μέν νυν ἐπὶ τοσοῦτον εἰρήσθω· τοῖσι γὰρ νομιζομένοισι αὐτῶν χρησόμεθα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 45

(헤로도토스, The Histories, book 4, chapter 45)

상위

목록

SEARCH

MENU NAVIGATION