헬라어 문장 검색 - Διοδορ́Λιβραρψ́4́45́

(디오도로스 시켈로스, Library, book xi, chapter 72)

κατὰ δὲ τὴν Σικελίαν ἄρτι καταλελυμένησ τῆσ ἐν ταῖσ Συρακούσαισ τυραννίδοσ καὶ πασῶν τῶν κατὰ τὴν νῆσον πόλεων ἠλευθερωμένων, πολλὴν ἐπίδοσιν ἐλάμβανεν ἡ σύμπασα Σικελία πρὸσ εὐδαιμονίαν· εἰρήνην γὰρ ἔχοντεσ οἱ Σικελιῶται καὶ χώραν ἀγαθὴν νεμόμενοι, διὰ τὸ πλῆθοσ τῶν καρπῶν ταχὺ ταῖσ οὐσίαισ ἀνέτρεχον καὶ τὴν χώραν ἐπλήρωσαν οἰκετῶν καὶ κτηνῶν καὶ τῆσ ἄλλησ εὐδαιμονίασ, μεγάλασ μὲν λαμβάνοντεσ προσόδουσ, οὐδὲν δὲ εἰσ τοὺσ εἰωθότασ πολέμουσ ἀναλίσκοντεσ. μετὰ δὲ ταῦτα πάλιν εἰσ πολέμουσ καὶ στάσεισ ἐνέπεσον διὰ τοιαύτασ τινὰσ αἰτίασ.

καταλύσαντεσ τὴν Θρασυβούλου τυραννίδα συνήγαγον ἐκκλησίαν, καὶ περὶ τῆσ ἰδίασ δημοκρατίασ βουλευσάμενοι πάντεσ ὁμογνωμόνωσ ἐψηφίσαντο Διὸσ μὲν ἐλευθερίου κολοττιαῖον ἀνδριάντα κατασκευάσαι, κατ’ ἐνιαυτὸν δὲ θύειν ἐλευθέρια καὶ ἀγῶνασ ἐπιφανεῖσ ποιεῖν κατὰ τὴν αὐτὴν ἡμέραν, ἐν ᾗ τὸν τύραννον καταλύσαντεσ ἠλευθέρωσαν τὴν πατρίδα· θύειν δ’ ἐν τοῖσ ἀγῶσι τοῖσ θεοῖσ ταύρουσ τετρακοσίουσ καὶ πεντήκοντα, καὶ τούτουσ δαπανᾶν εἰσ τὴν τῶν πολιτῶν εὐωχίαν. τὰσ δὲ ἀρχὰσ ἁπάσασ τοῖσ ἀρχαίοισ πολίταισ ἀπένεμον·

τοὺσ δὲ ξένουσ τοὺσ ἐπὶ τοῦ Γέλωνοσ πολιτευθέντασ οὐκ ἠξίουν μετέχειν ταύτησ τῆσ τιμῆσ, εἴτε οὐκ ἀξίουσ κρίναντεσ, εἴτε καὶ ἀπιστοῦντεσ μήποτε συντεθραμμένοι τυραννίδι καὶ μονάρχῳ συνεστρατευμένοι νεωτερίζειν ἐπιχειρήσωσιν· ὅπερ καὶ συνέβη γενέσθαι. τοῦ γὰρ Γέλωνοσ πλείονασ τῶν μυρίων πολιτογραφήσαντοσ ξένουσ μισθοφόρουσ, ἐκ τούτων περιελείποντο πλείουσ τῶν ἑπτακισχιλίων κατὰ τοὺσ ὑποκειμένουσ καιρούσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 72

(디오도로스 시켈로스, Library, book xi, chapter 72)

상위

목록

SEARCH

MENU NAVIGATION