헬라어 문장 검색 - Διοδορ́Λιβραρψ́4́42́

(디오도로스 시켈로스, Library, book xi, chapter 68)

οἱ δὲ Συρακόσιοι τὸ μὲν πρῶτον μέροσ τῆσ πόλεωσ κατελάβοντο τὴν ὀνομαζομένην Τύχην, ἐκ ταύτησ δὲ ὁρμώμενοι πρεσβευτὰσ ἀπέστειλαν εἰσ Γέλαν καὶ Ἀκράγαντα καὶ Σελινοῦντα, πρὸσ δὲ τούτοισ εἰσ Ἱμέραν καὶ πρὸσ τὰσ τῶν Σικελῶν πόλεισ τὰσ ἐν τῇ μεσογείῳ κειμένασ, ἀξιοῦντεσ κατὰ τάχοσ συνελθεῖν καὶ συνελευθερῶσαι τὰσ Συρακούσασ. πάντων δὲ προθύμωσ ὑπακουόντων, καὶ συντόμωσ ἀποστειλάντων τῶν μὲν πεζοὺσ καὶ ἱππεῖσ στρατιώτασ, τῶν δὲ ναῦσ μακρὰσ κεκοσμημένασ εἰσ ναυμαχίαν, ταχὺ συνήχθη δύναμισ ἀξιόχρεωσ τοῖσ Συρακοσίοισ.

διὸ καὶ τὰσ ναῦσ καταρτίσαντεσ οἱ Συρακόσιοι καὶ τὴν πεζὴν δύναμιν ἐκτάξαντεσ, ἑτοίμουσ ἑαυτοὺσ ἀπέδειξαν καὶ πεζῇ καὶ κατὰ θάλατταν διαγωνίζεσθαι. ὁ δὲ Θρασύβουλοσ ἐγκαταλειπόμενοσ ὑπὸ τῶν συμμάχων καὶ τὰσ ἐλπίδασ ἐν αὐτοῖσ ἔχων τοῖσ μισθοφόροισ, τῆσ μὲν Ἀχραδινῆσ καὶ τῆσ Νήσου κύριοσ ἦν, τὸ δὲ λοιπὸν μέροσ τῆσ πόλεωσ κατεῖχον οἱ Συρακόσιοι.

μετὰ δὲ ταῦτα ὁ μὲν Θρασύβουλοσ ταῖσ ναυσὶν ἐπιπλεύσασ ἐπὶ τοὺσ πολεμίουσ, καὶ λειφθεὶσ τῇ ναυμαχίᾳ, συχνὰσ μὲν τριήρεισ ἀπέβαλε, ταῖσ δ’ ἄλλαισ κατέφυγεν εἰσ τὴν Νῆσον. ὁμοίωσ δὲ καὶ τὴν πεζὴν δύναμιν προαγαγὼν ἐκ τῆσ Ἀχραδινῆσ καὶ παραταξάμενοσ ἐν τοῖσ προαστείοισ ἡττήθη, καὶ πολλοὺσ ἀποβαλὼν ἠναγκάσθη πάλιν εἰσ τὴν Ἀχραδινὴν ἀποχωρῆσαι.

τέλοσ δὲ ἀπογνοὺσ τὴν τυραννίδα διεπρεσβεύσατο πρὸσ τοὺσ Συρακοσίουσ, καὶ συνθέμενοσ τὰ πρὸσ αὐτοὺσ ὑπόσπονδοσ ἀπῆλθεν εἰσ Λοκρούσ. οἱ δὲ Συρακόσιοι τοῦτον τὸν τρόπον ἐλευθερώσαντεσ τὴν πατρίδα τοῖσ μὲν μισθοφόροισ συνεχώρησαν ἀπελθεῖν ἐκ τῶν Συρακουσῶν, τὰσ δὲ ἄλλασ πόλεισ τὰσ τυραννουμένασ ἢ φρουρὰσ ἐχούσασ ἐλευθερώσαντεσ ἀποκατέστησαν ταῖσ πόλεσι τὰσ δημοκρατίασ.

ἀπὸ δὲ τούτων τῶν χρόνων εἰρήνην ἔχουσα πολλὴν ἐπίδοσιν ἔλαβε πρὸσ εὐδαιμονίαν, καὶ διεφύλαξε τὴν δημοκρατίαν ἔτη σχεδὸν ἑξήκοντα μέχρι τῆσ Διονυσίου τυραννίδοσ.

Θρασύβουλοσ δὲ καλῶσ θεμελιωθεῖσαν βασιλείαν παραλαβών, διὰ τὴν ἰδίαν κακίαν αἰσχρῶσ ἀπέβαλε τὴν ἀρχήν, καὶ φυγὼν εἰσ Λοκροὺσ ἐνταῦθα τὸν λοιπὸν χρόνον ἰδιωτεύων κατεβίωσεν.

ἅμα δὲ τούτοισ πραττομένοισ ἐν τῇ Ῥώμῃ τότε πρώτωσ κατεστάθησαν δήμαρχοι τέτταρεσ, Γάιοσ Σικίνιοσ καὶ Λεύκιοσ Νεμετώριοσ, πρὸσ δὲ τούτοισ Μάρκοσ Δουίλλιοσ καὶ Σπόριοσ Ἀκίλιοσ.

τοῦ δ’ ἐνιαυσίου χρόνου διεληλυθότοσ Ἀθήνησι μὲν ἦρχε Λυσίθεοσ, ἐν Ῥώμῃ δ’ ὕπατοι καθειστήκεσαν Λεύκιοσ Οὐαλέριοσ Ποπλικόλασ καὶ Τίτοσ Αἰμίλιοσ Μάμερκοσ.

ἐπὶ δὲ τούτων κατὰ τὴν Ἀσίαν Ἀρτάβανοσ, τὸ μὲν γένοσ Ὑρκάνιοσ, δυνάμενοσ δὲ πλεῖστον παρὰ τῷ βασιλεῖ Ξέρξῃ καὶ τῶν δορυφόρων ἀφηγούμενοσ, ἔκρινεν ἀνελεῖν τὸν Ξέρξην καὶ τὴν βασιλείαν εἰσ ἑαυτὸν μεταστῆσαι. ἀνακοινωσάμενοσ δὲ τὴν ἐπιβουλὴν πρὸσ Μιθριδάτην τὸν εὐνοῦχον, ὃσ ἦν κατακοιμιστὴσ τοῦ βασιλέωσ καὶ τὴν κυριωτάτην ἔχων πίστιν, ἅμα δὲ καὶ συγγενὴσ ὢν Ἀρταβάνου καὶ φίλοσ ὑπήκουσε πρὸσ τὴν ἐπιβουλήν. ὑπὸ τούτου δὲ νυκτὸσ εἰσαχθεὶσ ὁ Ἀρτάβανοσ εἰσ τὸν κοιτῶνα, καὶ τὸν Ξέρξην ἀνελών, ὡρ́μησεν ἐπὶ τοὺσ υἱοὺσ τοῦ βασιλέωσ.

ἦσαν δὲ οὗτοι τρεῖσ τὸν ἀριθμόν, Δαρεῖοσ μὲν ὁ πρεσβύτατοσ καὶ Ἀρταξέρξησ, ἐν τοῖσ βασιλείοισ διατρίβοντεσ, ὁ δὲ τρίτοσ Ὑστάσπησ ἀπόδημοσ ὢν κατ’ ἐκεῖνον τὸν καιρόν· εἶχε γὰρ τὴν ἐν Βάκτροισ σατραπείαν. ὁ δ’ οὖν Ἀρτάβανοσ παραγενόμενοσ ἔτι νυκτὸσ οὔσησ πρὸσ τὸν Ἀρταξέρξην ἔφησε Δαρεῖον τὸν ἀδελφὸν αὐτοῦ φονέα γεγονέναι τοῦ πατρὸσ καὶ τὴν βασιλείαν εἰσ ἑαυτὸν περισπᾶν.

συνεβούλευσεν οὖν αὐτῷ πρὸ τοῦ κατασχεῖν ἐκεῖνον τὴν ἀρχὴν σκοπεῖν ὅπωσ μὴ δουλεύσῃ διὰ ῥᾳθυμίαν, ἀλλὰ βασιλεύσῃ τὸν φονέα τοῦ πατρὸσ τιμωρησάμενοσ·

ἐπηγγείλατο δ’ αὐτῷ συνεργοὺσ παρέξεσθαι τοὺσ δορυφόρουσ τοῦ βασιλέωσ. πεισθέντοσ δὲ τοῦ Ἀρταξέρξου καὶ παραχρῆμα μετὰ τῶν δορυφόρων ἀνελόντοσ τὸν ἀδελφὸν Δαρεῖον, ὁρῶν αὑτῷ τὴν ἐπιβολὴν εὐροοῦσαν, καὶ παραλαβὼν τοὺσ ἰδίουσ υἱοὺσ καὶ φήσασ καιρὸν ἔχειν τὴν βασιλείαν κατακτήσασθαι, παίει τῷ ξίφει τὸν Ἀρταξέρξην.

ὁ δὲ τρωθεὶσ καὶ οὐδὲν παθὼν ὑπὸ τῆσ πληγῆσ ἠμύνατο τὸν Ἀρτάβανον καὶ κατενέγκασ αὐτοῦ πληγὴν καιρίαν ἀπέκτεινε.

παραδόξωσ δὲ σωθεὶσ ὁ Ἀρταξέρξησ καὶ τὸν φονέα τοῦ πατρὸσ τετιμωρημένοσ παρέλαβε τὴν τῶν Περσῶν βασιλείαν. Ξέρξησ μὲν οὖν τὸν εἰρημένον τρόπον ἐτελεύτησε, βασιλεύσασ τῶν Περσῶν ἔτη πλείω τῶν εἴκοσι, τὴν δὲ ἀρχὴν διαδεξάμενοσ ὁ Ἀρταξέρξησ ἐβασίλευσεν ἔτη τετταράκοντα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 68

(디오도로스 시켈로스, Library, book xi, chapter 68)

상위

목록

SEARCH

MENU NAVIGATION